ఆ కాళ్లని ఫొటో తీయంది వదలనన్నవి ఆర్జీవీ కళ్లు..!

సోషల్​ మీడియాలో పాపులర్ అయి బిగ్​బాస్​ ఎంట్రీ ఇచ్చింది అషురెడ్డి. సామాజిక మాధ్యమాల్లో తన అందాలతో.. మాటలతో కుర్రకారును కవ్విస్తూ ఉంటుంది. ఎప్పటికప్పుడు సోషల్ మీడియాలో పోస్టులు పెడుతూ.. హ్యూజ్ ఫ్యాన్ ఫాలోయింగ్ సొంతం చేసుకుందీ ముద్దుగుమ్మ. జూనియర్ సమంతగా పేరుతెచ్చుకున్న ఈ భామ తాజాగా ఆర్జీవీతో ఓ విడియోలో కనిపించింది. ఆ విడియో వైరల్ అవుతోంది కానీ ట్రోల్స్ కూడా వస్తున్నాయి.

టాలీవుడ్​ దర్శకుడు ఆర్జీవీ.. ఏం చేసినా అది వివాదాస్పదమే. తాజాగా ఈ దర్శకుడు మరో వివాదానికి తెర లేపారు. యాంకర్​గా బుల్లితెరపై సందడి చేసే ఆషు రెడ్డి.. తాజాగా టాలీవుడ్​ వివాదాస్పద దర్శకుడు ఆర్జీవీని ఇంటర్వ్యూ చేసింది. ఆ ఇంటర్వ్యూ కోసం పొదుపుగా చిట్టిపొట్టి దుస్తులు ధరించింది. అసలే వర్మకు ఆడాళ్లన్నా, గ్లామర్ డోస్​ పెంచి చూపించటమన్నా అమితమైన ప్రేమ. ఊరుకుంటారా... ఆమెను తన కెమెరా కళ్లతో బంధించేందుకు కింద కూర్చుని, మొబైల్​ అటు ఇటు తిప్పి తిప్పి తెగ ఆరాట పడ్డారు.

ఆ సందర్భంలో తీసిన ఓ వీడియోని ఆషురెడ్డి తన ట్విట్టర్​ ఖాతాలో పంచుకుంది. ఈ వీడియోలో ఆషురెడ్డి కుర్చీపై కూర్చుని ఉండగా.. రామ్​గోపాల్​వర్మ కింది నుంచి ఫొటోలు తీశారు. నీ కాళ్లను పట్టుకు వదలనన్నవి నా ఫోన్ కెమెరా కళ్లు అంటూ.. కింద కూర్చుని మరీ ఆషు ఫొటోలు క్లిక్​మనిపించారు. ఆర్జీవీ ఏంటి ఇలా చేయటమేంటి అంటూ నెటిజన్లు ట్రోల్స్​ మొదలుపెట్టగా.. ఆర్జీవీ తనదైన శైలిలో స్పందించారు. ఆ వీడియోలో ఉన్నది తాము కాదంటూనే అవునన్నట్టుగా.. నిజం కాకుంటే దేవుళ్లపై ఒట్టు కానీ దేవతలపై కాదు అంటూ సరదాగా పోస్ట్ చేశారు.