రాజధాని బిల్లులపై న్యాయ సలహా తీసుకుంటున్న ఏపీ గవర్నర్

ఏపీ ప్రభుత్వం గవర్నర్ ఆమోదానికి పంపిన రాజధాని బిల్లులపై... రాజ్​భవన్​ న్యాయసలహాలు తీసుకుంటుంది. సీనియర్ అడ్వకేట్ల అభిప్రాయాలు అడిగి తెలుసుకుంటుంది. ఆంధ్రా ప్రభుత్వం నుంచి బిల్లులు అందగానే ఈ ప్రక్రియ ప్రారంభించినట్లు తెలుస్తోంది. సీనియర్ న్యాయవాదులు, రాజ్యాంగ నిపుణులతో చర్చించి బిల్లులపై ఆ రాష్ట్ర గవర్నర్ నిర్ణయం తీసుకోనున్నారు.

రాజధాని బిల్లులపై ఏపీ గవర్నర్ బిశ్వభూషణ్ హరిచందన్ న్యాయ సలహాలు తీసుకుంటున్నారు. సీనియర్ అడ్వకేట్లు అభిప్రాయాలు, సూచనలు అడిగి తెలుసుకుంటున్నారు. ఏపీ రాష్ట్ర ప్రభుత్వం నుంచి పరిపాలన వికేంద్రీకరణ, సీఆర్డీఏ చట్టం రద్దు బిల్లులు వివరాలు అందగానే రాజ్‌భవన్ ఈ ప్రక్రియ ప్రారంభించింది.

ఈ బిల్లులను రాష్ట్రపతికి పంపాలని ఏపీలోని ప్రతిపక్షాలు గవర్నర్​ను విజ్ఞప్తి చేశాయి. ఏపీ పునర్‌వ్యవస్థీకరణ చట్టంతో బిల్లులు ముడిపడి ఉన్నాయని ప్రతిపక్షాలు అంటున్నాయి. సీనియర్ న్యాయవాదులు, రాజ్యాంగ నిపుణులతో చర్చల అనంతరం బిల్లులపై గవర్నర్ తుది నిర్ణయం తీసుకోనున్నారు.

ఇవీచూడండి:వరినారుతో కేటీఆర్‌కు పుట్టినరోజు శుభాకాంక్షలు