ఏపీ రాజధానిగా అమరావతిని గుర్తిస్తూ ఇండియా మ్యాప్ విడుదలైంది. కేంద్ర హోంశాఖ ఆదేశాలతో మ్యాప్‌లో సర్వే ఆఫ్ ఇండియా సవరణలు చేసింది. కేంద్ర ప్రాంత ప్రాంతాలుగా జమ్మూకశ్మీర్‌, లద్ధాక్ ఏర్పాటైన క్రమంలో దేశంలోని 28 రాష్ట్రాలు, 9 కేంద్ర పాలిత ప్రాంతాలను గుర్తిస్తూ కేంద్ర ప్రభుత్వం ఈ నెల 8న కొత్త ఇండియా మ్యాప్ను విడుదల చేసింది. ఇందులో ఆంధ్రప్రదేశ్ రాజధానిగా అమరావతిని గుర్తించలేదు. ఈ వ్యవహారం కాస్త చర్చనీయాంశంగా మారింది.
ఏపీ రాజధానిగా అమరావతిని గుర్తిస్తూ మ్యాప్ విడుదల
ఆంధ్రప్రదేశ్ రాజధానిగా అమరావతిని గుర్తిస్తూ సర్వే ఆఫ్ ఇండియా సరికొత్త మ్యాప్ను విడుదల చేసింది. అమరావతి లేని మ్యాప్ను విడుదల చేస్తారా అంటూ పార్లమెంటులో ఎంపీలు గళం విప్పటంతో మ్యాప్ను సవరించింది.
amaravathi
గుంటూరు ఎంపీ గల్లా జయదేవ్ ఈ విషయాన్ని పార్లమెంట్లో ప్రస్తావించారు. ఏపీ రాజధానిగా అమరావతి లేని మ్యాప్ను విడుదల చేయటం ఏంటని ప్రశ్నించారు. ఈ క్రమంలో కేంద్ర హోంశాఖ ఆదేశాలతో సవరణలు చేసిన నూతన మ్యాప్ను సర్వే ఆఫ్ ఇండియా ఇవాళ విడుదల చేసింది.
ఇదీ చూడండి: 30 మంది గూండాలు, 60 కత్తిపోట్లు...ఆరోజు అసలేం జరిగింది!?