రాష్ట్రంలో మరో 3,052 కరోనా కేసులు, 7 మరణాలు

09:17 April 13

రాష్ట్రంలో మరో 3,052 కరోనా కేసులు, 7 మరణాలు

రాష్ట్రంలో రెండో దశ కరోనా విజృంభణ కొనసాగుతూనే ఉంది. రాష్ట్రవ్యాప్తంగా సోమవారం.. 1,13,007 మందికి కొవిడ్​ నిర్ధారణ పరీక్షలు నిర్వహించగా.. 3,052 మందికి వైరస్ పాజిటివ్​ వచ్చింది. జీహెచ్‌ఎంసీ పరిధిలోనే 406 మందికి కొవిడ్​ నిర్ధరణ అయింది. ఫలితంగా మొత్తం బాధితుల సంఖ్య 3,32,581కి చేరింది. 

కొవిడ్​ కోరల్లో చిక్కి మరో ఏడుగురు మరణించగా.. ఇప్పటి వరకు 1,772 మంది మృత్యువాత పడ్డారు. కరోనా నుంచి తాజాగా మరో 778 మంది బాధితులు కోలుకున్నారు. హోం ఐసోలేషన్‌లో 16,118 మంది చికిత్స పొందుతున్నారు. ప్రస్తుతం 24,131 యాక్టివ్​ కేసులున్నాయి. ఇప్పటి వరకు వైరస్ సోకిన వారిలో అత్యధికులు 20 నుంచి 40 ఏళ్ల మధ్య వారే కావటం గమనార్హం. సుమారు 43 శాతం కేసులు ఈ వయసువారే ఉండటం ఆందోళనకలిగిస్తోంది. 

జిల్లాల వారీగా కేసులు..

జీహెచ్​ఎంసీ పరిధిలో 406, ఆదిలాబాద్ 98, భద్రాద్రి కొత్తగూడెం 44, జగిత్యాల 135, జనగామ 32, జయశంకర్ భూపాలపల్లి 14, కామారెడ్డి 111, కరీంనగర్ 87, ఖమ్మం 95, కుమురం భీం ఆసిఫాబాద్ 27, మహబూబ్​నగర్ 97, మహబూబాబాద్ 18, మంచిర్యాల 78, మెదక్ 23, మేడ్చల్ మల్కాజిగిరి 301, ములుగు 12, నాగర్​కర్నూల్​ 52, నల్గొండ 109, నారాయణపేట 12, నిర్మల్ 113, నిజామాబాద్ 279, పెద్దపల్లి 49, సిరిసిల్ల 61, రంగారెడ్డి 248, సంగారెడ్డి 123, సిద్దిపేట 79, సూర్యాపేట 63, వికారాబాద్ 61, వనపర్తి 50, వరంగల్ రూరల్ 24, వరంగల్​ అర్బన్​ 84, యాదాద్రి భువనగిరిలో 53 కేసులు నమోదయ్యాయి.

ఇవీచూడండి:కరోనా విలయం: ఒక్క రోజులో 1,61,736 కేసులు