Amaravati JAC: 'సభకు అనుమతిపై వెంటనే స్పందించండి'

Amaravati JAC: ఈనెల 17న తిరుపతిలో నిర్వహించబోయే సభకు అనుమతిపై పోలీసులు ఇంకా స్పందించలేదని అమరావతి ఐకాస నేతలు తెలిపారు. త్వరగా నిర్ణయం తెలిపితే.. తదుపరి కార్యాచరణ అమలు చేస్తామని పేర్కొన్నారు.

Amaravati JAC: ఈనెల 17న అమరావతి రైతులు తిరుపతిలో నిర్వహించబోయే సభకు అనుమతిపై ఆంధ్రప్రదేశ్​ పోలీసులు ఇంకా స్పందించలేదని అమరావతి ఐకాస నేతలు తెలిపారు. పోలీసులు అడిగిన ప్రశ్నలకు తాము సమాధానాలు పంపినట్లు పేర్కొన్నారు. సభకు అనుమతిపై త్వరితగతిన నిర్ణయం తీసుకోవాలన్న నేతలు.. అనుమతి త్వరగా ప్రకటిస్తే ఏర్పాట్లు చేసుకుంటామని వెల్లడించారు. తిరస్కరిస్తే.. తదుపరి కార్యాచరణ ప్రకటిస్తామని స్పష్టం చేశారు.

పాదయాత్ర చేస్తున్న అమరావతి రైతులను గౌరవించి.. తితిదే సంప్రదాయాలకు అనుగుణంగా మాకు శ్రీవారి దర్శన భాగ్యం కల్పించండి. ఒకేసారి 500 మందికి దర్శనం కల్పించడానికి ఇబ్బందులు ఎదురైతే.. విడతల వారీగా అయినా కల్పించాలని వేడుకుంటున్నాం. కరోనా నిబంధనలు పాటిస్తాం. దయచేసి ఈ అంశాన్ని రాజకీయాలకు ముడిపెట్టొద్దు. రాజధాని అంశంపై ప్రభుత్వం తీసుకున్న నిర్ణయానికి వ్యతిరేకంగా మేం చేస్తున్న ఉద్యమం ఇది. -గద్దె తిరుపతి రావు, అమరావతి ఐకాస నేత

శ్రీవారి దర్శన భాగ్యం కల్పించాలి..!

Amaravati farmers maha padayatra: పాదయాత్రగా వస్తున్న అమరావతి రైతులందరికీ తిరుమల శ్రీవారి దర్శన భాగ్యం కల్పించాలని.. అమరావతి పరిరక్షణ సమితి నేతలు తితిదేను కోరారు. ఈనెల 15, 16వ తేదీల్లో స్వామివారిని దర్శించుకోవాలనుకుంటున్నట్లు పేర్కొన్నారు. 500 మందికి శ్రీవారి దర్శనం కల్పించాలని అభ్యర్థించారు. అలాగే ఈ విషయానికి రాజకీయాలు ముడిపెట్టొద్దని విజ్ఞప్తి చేశారు. పాదయాత్రలో మొత్తం 200 కుటుంబాలు పాల్గొంటున్నాయని తెలిపిన నేతలు.. ఒక్కసారి కాకపోయినా విడతల వారీగా అయినా మొక్కు చెల్లించుకునే భాగ్యం కల్పించాలని కోరారు.

అమరావతి ఐకాస

ఇదీ చూడండి:balka suman on etela: 'ఈటల ముక్కు నేలకు రాసి.. ప్రజలకు క్షమాపణ చెప్పాలి'