సాయి తేజ్​ను పరామర్శించిన బన్నీ

రోడ్డు ప్రమాదానికి గురై.. ఆస్పత్రిలో చికిత్స పొందుతున్న మెగాహీరో సాయి ధరమ్​ తేజ్​ను(sai dharam tej accident) హీరో అల్లు అర్జున్​ పరామర్శించారు. అంతకుముందు మెగాఫ్యామిలీతో పాటు పలువురు నటులు కూడా హాస్పిటల్​కు వచ్చారు.

ఇటీవల రోడ్డు ప్రమాదంలో గాయపడి అపోలో ఆస్పత్రిలో చికిత్స పొందుతున్న సినీ నటుడు సాయి ధరమ్​ తేజ్​ను(sai dharam tej accident) పలువురు సినీ ప్రముఖులు పరామర్శిస్తున్నారు. ఈ క్రమంలోనే గురువారం(సెప్టెంబరు 16) తేజ్​ను పరామర్శించడానికి ఆస్పత్రికి వెళ్లారు హీరో అల్లుఅర్జున్​(allu arjun sai dharam tej). బన్నీ రాకతో హాస్పిటల్​ వాతావరణం అభిమానులతో నిండిపోయింది.

తేజ్(sai dharam tej health condition) ఆరోగ్య పరిస్థితి నిలకడగా ఉందని ఇటీవల వైద్యులు తెలిపారు. హైదరాబాద్​లోని కేబుల్ బ్రిడ్జి మీద స్పోర్ట్స్​ బైక్​పై వెళ్తున్న క్రమంలో జారిపడటం వల్ల తేజ్​కు కన్ను, ఛాతి, పొట్ట భాగంలో తీవ్రగాయాలయ్యాయి. తొలుత మెడికవర్ ఆస్పత్రిలో చికిత్స అందించారు. ఆ తర్వాత అపోలోకు మార్చి సాయికి శస్త్రచికిత్స చేశారు.

ఇదీ చూడండి: Saidabad Rape Case: కోట్ల మనసుల కోరిక తీరింది... కామాంధుడి కథ ముగిసింది..