ఎంసెట్‌ సహా ప్రవేశ పరీక్షలన్నీ వాయిదా

15:59 April 12

ఎంసెట్‌ సహా ప్రవేశ పరీక్షలన్నీ వాయిదా

లాక్ డౌన్ పొడిగింపు కారణంగా రాష్ట్రంలో జరగాల్సిన ఎంసెట్ సహా ప్రవేశ పరీక్షలన్నీ వాయిదా పడ్డాయి. మే నెలలో జరగాల్సిన  ప్రవేశ పరీక్షలను వాయిదా వేస్తున్నట్లు ఉన్నత విద్యా మండలి ఛైర్మన్ పాపిరెడ్డి తెలిపారు. మే 2 నుంచి 31 మధ్య ఎంసెట్,  ఈసెట్, లా సెట్, పీజీ ఎల్ సెట్, ఐసెట్, ఎడ్ సెట్, పీజీ ఈసెట్, పీఈ సెట్ జరగాల్సి ఉంది.  

ప్రభుత్వంతో సంప్రదించి కొత్త తేదీలను తర్వాత వెల్లడిస్తామని పేర్కొన్నారు. ఈ ప్రవేశ పరీక్షలకు ఆలస్య రుసుము లేకుండా దరఖాస్తు చేసేందుకు గడువు మే నెల 5 వరకు పొడిగించినట్టు తెలిపారు.