ఆస్పత్రి ఎదుట ఉద్యోగ సంఘాల ఆందోళన

సమాన పనికి సమాన వేతనం కల్పించాలని డిమాండ్ చేస్తూ హైదరాబాద్​ గాంధీ ఆస్పత్రి ఎదుట అవుట్​ సోర్సింగ్ ఉద్యోగులు ధర్నా చేపట్టారు. దేశవ్యాప్త సార్వత్రిక సమ్మెలో భాగంగా ఏఐటీయూసీ ఆధ్వర్యంలో గాంధీ ఆస్పత్రి ఆవరణలో ఉద్యోగులు నినాదాలు చేపట్టారు. అవుట్ సోర్సింగ్ ఉద్యోగులను క్రమబద్ధీకరించాలని డిమాండ్ చేశారు.

దేశవ్యాప్త సార్వత్రిక సమ్మెలో భాగంగా సికింద్రాబాద్​లోని గాంధీ ఆస్పత్రి ముందు ఏఐటీయూసీ ఆధ్వర్యంలో ఆందోళన చేపట్టారు. తెలంగాణ మెడికల్ కాంట్రాక్ట్ ఎంప్లాయీస్ అండ్ వర్కర్స్ యూనియన్, తెలంగాణ మెడికల్ ఎంప్లాయీస్ యూనియన్​లు నిరసనలో పాల్గొన్నాయి.

ప్రభుత్వ ఆస్పత్రుల్లో పనిచేస్తున్న కాంట్రాక్ట్, పేషెంట్ కేర్, సెక్యూరిటీ సిబ్బందికి 21 వేల జీతం ఇవ్వాలని మెడికల్ ఎంప్లాయిస్ యూనియన్​ గాంధీ ఆస్పత్రి ప్రధాన కార్యదర్శి పుల్లయ్య కోరారు. సమాన పనికి సమాన వేతనం చెల్లించాలని, కాంట్రాక్ట్ అవుట్ సోర్సింగ్ సిబ్బందిని పర్మినెంట్ చేయాలని డిమాండ్​ చేశారు.

కార్మిక చట్టాల సవరణ ఆపి, పీఆర్సీ విడుదల చేయాలన్నారు. ఈ కార్యక్రమంలో నాయకులు కిష్టమ్మ, శోభా, పుష్పా, శ్రీధర్, లక్ష్మీపతి, తదితరులు పాల్గొన్నారు.

ఇదీ చూడండి:కార్మిక సంఘాల ఆందోళన.. స్తంభించిన రవాణా