ఏఐజీ ఆసుపత్రిలో గ్యాస్ట్రో ఎంట్రాలజీలో ఏఐ ప్రవేశం

కెనడాలోని సాటిస్ఫై ఆసుపత్రి సహాయంతో హైదరాబాద్​లోని ఏఐజీ ఆసుపత్రిలో గ్యాస్ట్రో ఎంట్రాలజీ, ఎండోస్కోపీలో కృత్రిమ మేథను ప్రవేశపెడుతున్నట్లు ఆసుపత్రి ఛైర్మన్​ డాక్టర్ డి. నాగేశ్వర్​రెడ్డి తెలిపారు. దీని ఫలితంగా రోగుల్లో వ్యాధిని త్వరగా గుర్తించడంతో పాటు ఆర్థిక భారాన్ని తగ్గించవచ్చని తెలిపారు.

గ్యాస్ట్రో ఎంట్రాలజీలో క్యాన్సర్​కు దారితీసే దీర్ఘకాలిక అనారోగ్యాలను ముందే పసిగట్టి నివారించేందుకు హైదరాబాద్​లోని ఏఐజీ ఆసుపత్రి అత్యాధునిక సాంకేతిక పరిజ్ఞానాన్ని అందుబాటులోకి తీసుకొస్తోంది. గ్యాస్ట్రో ఎంట్రాలజీ, ఎండోస్కోపీలో కృత్రిమ మేథను ప్రవేశపెడుతున్నట్లు ఆ ఆసుపత్రి ఛైర్మన్​ డాక్టర్ డి.నాగేశ్వర్​రెడ్డి తెలిపారు. ఈ మేరకు కెనడాలోని సాటిస్ఫై ఆసుపత్రితో ఒప్పందం కుదుర్చుకున్నట్లు వెబినార్​ ద్వారా ఆయన వివరించారు.

ఏఐజీ ఆసుపత్రిలో ఇప్పటికే ప్యాథాలజీ, రేడియాలజీలో ఏఐను అమలు చేస్తుండగా గ్యాస్ట్రో ఎంట్రాలజీలో తొలిసారి అమలు చేస్తున్నట్లు పేర్కొన్నారు. కెనడా-భారత్​ కలయికలో గ్యాస్ట్రో ఎంట్రాలజీలో అతిపెద్ద మార్పునకు ఏఐజీ ఆసుపత్రి శ్రీకారం చుట్టినట్లు నాగేశ్వర్​రెడ్డి వెల్లడించారు. ఫలితంగా రోగుల్లో వ్యాధిని త్వరగా గుర్తించడంతో పాటు ఆర్థిక భారాన్ని తగ్గించవచ్చని తెలిపారు.

ఇదీ చదవండిః'జులై 13 నుంచి కృత్రిమ మేథలో సర్టిఫికెట్​ కోర్సు'