నవంబర్‌ మొదటివారంలో కొవాగ్జిన్‌ మూడో దశ క్లినికల్‌ ట్రయల్స్‌

17:07 October 23

నవంబర్‌ మొదటివారంలో కొవాగ్జిన్‌ మూడో దశ క్లినికల్‌ ట్రయల్స్‌

ఫార్మా రంగంలో దిగ్గజ సంస్థ.. భారత్ బయోటెక్ ప్రతిష్ఠాత్మకంగా తయారుచేస్తున్న కొవాగ్జిన్.. మూడో దశ క్లినికల్ ట్రయల్స్​కు డ్రగ్ కంట్రోల్ ఆఫ్​ ఇండియా నుంచి అనుమతులు లభించాయి. ఈ మేరకు భారత్ బయోటెక్ ఓ ప్రకటనను విడుదల చేసింది. ఇప్పటికే రెండు దశల క్లినికల్ ట్రయల్స్ దిగ్విజయంగా పూర్తైన నేపథ్యంలో మూడో దశ ట్రయల్స్​కు అనుమతులు లభించినట్టు పేర్కొంది.  

దేశ వ్యాప్తంగా 12 సంస్థల్లో.. కొవాగ్జిన్​ తొలి రెండు దశల క్లినికల్ ట్రయల్స్ నిర్వహించింది భారత్​ బయోటెక్​. మూడో దశ ట్రయల్స్​ను మొత్తం 25 కేంద్రాల్లో చేపట్టనున్నట్టు వెల్లడించింది. మొత్తం 25 వేల మందికి వ్యాక్సిన్ డోస్​లు ఇవ్వనుంది. నవంబర్ మొదటి వారంలో ట్రయల్స్​ ప్రారంభించనున్నట్టు భారత్ బయోటెక్ పేర్కొంది.

మూడో దశ క్లినికల్ ట్రయల్స్ కూడా విజయవంతమైతే కొవాగ్జిన్ పూర్తిస్థాయిలో మార్కెట్​లోకి అందుబాటులోకి రానుంది.

ఇవీచూడండి:ఆధార్​ సాయంతోనే కరోనా వ్యాక్సిన్​ పంపిణీ!