రైతు నుంచి లక్ష లంచం.. వీఆర్వో అరెస్టు

ఏపీలోని చిత్తూరు జిల్లా మదనపల్లి మండలం బసినికొండ వీఆర్వోను అవినీతి నిరోధక శాఖ అధికారులు అదుపులోకి తీసుకున్నారు. ఓ రైతు నుంచి లక్ష రూపాయలు లంచం తీసుకుంటుండగా వల పన్ని పట్టుకున్నారు. భూవివరాలు ఆన్‌లైన్‌లో నమోదు చేసేందుకు వీఆర్వో గంగాధరం రూ.10 లక్షలు డిమాండ్‌ చేసినట్లు అధికారులు వెల్లడించారు.

ఆంధ్రప్రదేశ్​లోని చిత్తూరు జిల్లా మదనపల్లి మండలం బసినికొండ వీఆర్వో గంగాధర్​ను అనిశా అధికారుల అదుపులోకి తీసుకున్నారు. బసినికొండకు చెందిన రామకృష్ణ అనే రైతు నుంచి రూ.10 లక్షలు డిమాండ్ చేయగా... కొంతమంది మధ్యవర్తులు జోక్యం చేసుకుని దాన్ని రూ.5 లక్షలకు కుదించారు. అయితే రామకృష్ణ తన ఎకరం భూమి ఆన్​లైన్​ చేయడం కోసం.. కొంతకాలంగా వీఆర్వో చుట్టూ తిరుగుతున్నాడు. ఇదే అదనుగా భావించి వీఆర్వో రైతును లంచం డిమాండ్ చేశాడు. చేసేదిలేక బాధిత రైతు అనిశా అధికారులను ఆశ్రయించాడు. పథకం ప్రకారం వలపన్నిన అధికారులు... వీఆర్వో లంచం తీసుకుంటుండగా రెడ్ హ్యాండెడ్​గా పట్టుకున్నారు.

ఇదీ చదవండి:బసవతారకం ఆసుపత్రికి అత్యుత్తమ అవార్డు