'వీరేశ్​ రెడ్డికి న్యాయం జరగాలి'

నిన్న మర్రిలక్ష్మారెడ్డి కళాశాల బస్సు ఢీ కొని అదే కళాశాలకు చెందిన విద్యార్థి మృతిపై విద్యార్థి సంఘాలు భగ్గుమన్నాయి. ఈ విషయాన్ని కళాశాల​ యాజమాన్యం కప్పిపెట్టే ప్రయత్నం చేస్తోందని ఏబీవీపీ నేతలు ఈరోజు ఆందోళనకు దిగారు.

హైదరాబాద్​ దుండిగల్​లోని మర్రి లక్ష్మారెడ్డి కళాశాల బస్సు ఢీకొని నిన్న అదే కాలేజ్​కు చెందిన ఇంజినీరింగ్​ విద్యార్థి నాగిరెడ్డి వీరేశ్​రెడ్డి మృతి చెందాడు. ఈ విషయాన్ని కళాశాల యాజమాన్యం కప్పిపుచ్చేందుకు ప్రయత్నిస్తున్నారని ఏబీవీపీ నాయకులు ఆందోళనకు దిగారు. చనిపోయిన విద్యార్థి కుటుంబానికి న్యాయం చేయాలని డిమాండ్ చేశారు. ఫిట్​నెస్​ లేని బస్సులు, అర్హత లేని డ్రైవర్ల వల్లే విద్యార్థి ప్రాణాలు కోల్పోయాడని ఆరోపించారు. అక్కడికి చేరుకున్న పోలీసులు ఏబీవీపీ నాయకులను అరెస్టు చేసి దుండిగల్​ పోలీస్ స్టేషన్​కు తరలించారు.

• ఇదీ చూడండి : నయీం కేసులో బయటకొచ్చిన రాజకీయ నేతలు, పోలీసుల పేర్లు