ఈ ఏడాది దీపావళి కొందరికి ఆనందం పంచితే... మరికొందరిలో విషాదం నింపింది. దివ్వెల పండుగ రోజున టపాసులు కాల్చుతూ గాయాలపాలైన 52 మందిని చికిత్స కోసం మాసబ్‌ట్యాంక్‌లోని సరోజిని దేవి కంటి ఆసుపత్రికి తీసుకొచ్చారు. ఇద్దరి పరిస్థితి విషమంగా ఉన్నట్లు వైద్యులు తెలిపారు. మరో ఏడుగురికి ఇవాళ శస్త్రచికిత్స చేయనున్నారు. కొందరికి ప్రథమ చికిత్స చేసి ఇంటికి పంపించారు. కంటి పరీక్షలు, శస్త్రచికిత్స చేసేందుకు అన్ని సదుపాయాలు అందుబాటులో ఉన్నట్లు తెలిపారు.
దీపావళి సంబురాల్లో ప్రమాదం... ఏడుగురి పరిస్థితి విషమం