హైదరాబాద్​లో తూనికలు, కొలతల శాఖ దాడులు

హైదరాబాద్​ నగరంలోని పలు సూపర్​మార్కెట్లు, కిరాణా షాపుల్లో అధికారులు దాడులు నిర్వహించారు. లాక్​డౌన్​ నేపథ్యంలో నిత్యవసరాలను అధిక ధరలకు విక్రయించరాదని యాజమాన్యాలను హెచ్చరించారు.

అధిక ధరలను అరికట్టేందుకు తూనికలు, కొలతల శాఖ అధికారులు రంగంలోకి దిగారు. హైదరాబాద్​లోని పలు సూపర్​ మార్కెట్లలో దాడులకు దిగారు. జీహెచ్ఎంసీ, తూనికలు కొలతల శాఖ, టాస్క్ ఫోర్స్ పోలీసులు సంయుక్తంగా తనిఖీలు నిర్వహించారు.

విజయ్​నగర్ కాలనీ, మెహిదీపట్నం, టోలీచౌకీ ప్రాంతాల్లో ప్రజలతో మాట్లాడి ధరల వివరాలను తెలుసుకున్నారు. అధిక ధరలకు వస్తువులను విక్రయిస్తే కఠిన చర్యలు తప్పవని యాజమాన్యాలను హెచ్చరించారు.

ఇవీ చూడండి:పురుషులు, వృద్ధులకే కరోనా సోకే అవకాశం ఎక్కువ!