గాడిదతో జట్కా.. పెట్రో మంటకు చిట్కా.!

పెరుగుతున్న ఇంధన ధరలు సామాన్య ప్రజలకు భారంగా మారింది. వీటి ఖరీదుకు విసుగుచెందిన ఓ రజకుడు గాడిద జట్కా బండినే తన వాహనంగా మలుచుకున్నాడు. గుర్రాన్ని తలపిస్తూ వేగంగా గమ్యన్ని చేరుకుంటున్న ఆ గాడిదను పలువురు ఆసక్తిగా తిలకిస్తున్నారు.

పెరిగిన పెట్రోలు ధరలకు ప్రత్యామ్నాయం ఆలోచించాడు ఆంధ్రప్రదేశ్​లోని రాయదుర్గానికి చెందిన వ్యక్తి. జట్కాను తయారు చేసి గాడిదతో నడుపుతున్నాడు. అనంతపురం జిల్లా రాయదుర్గం పట్టణానికి చెందిన సురేష్‌ కోటలో నివాసం ఉంటున్నాడు. రజక వృత్తి చేసుకుంటూ... కుటుంబాన్ని పోషించుకుంటున్నాడు.

నిత్యం దుస్తులు ఉతికేందుకు ద్విచక్ర వాహనంపై 4 కిలోమీటర్లు వెళ్లాల్సి వచ్చేదని, పెట్రోలు ధరలు పెరగడంతో మరో మార్గాన్ని ఆలోచించినట్లు పేర్కొన్నారు. రూ.10 వేలు ఖర్చు చేసి జట్కా తయారు చేయించి తన వద్ద ఉన్న గాడిదతో నడపుతున్నట్లు తెలిపాడు.

ఇదీ చదవండి:Corona:నిబంధనలకు విరుద్ధంగా వేడుకలు.. పట్టించుకోని అధికారులు