బాలికపై ఐదేళ్లుగా తాత, తండ్రి, సోదరుడు, మామ.. అత్యాచారం

Girl Raped By Father, Brother: ఆ కుటుంబంలోని వ్యక్తులు వావివరుసలు మరిచారు. కన్న కూతురిపైనే తండ్రి లైంగిక దాడికి పాల్పడుతుండగా.. సోదరుడు కూడా చిన్నారిపై అత్యాచారం చేశాడు. అంతేకాక ఆ కుటుంబంలోని తాత, మామ కూడా బాలికపై అఘాయిత్యం చేశారని పోలీసులు తెలిపారు.

Girl Raped By Father, Brother: మహారాష్ట్రలో అమానవీయ ఘటన జరిగింది. వావివరుసలు మరిచి ప్రవర్తించారు ఆ కుటుంబంలోని వ్యక్తులు. సొంత అన్న, తండ్రే వేర్వేరు సమయాల్లో బాలికపై అత్యాచారానికి పాల్పడ్డారు. అంతేకాక తాత, మామ కూడా చిన్నారిని లైంగికంగా వేధించేవారని పోలీసులు తెలిపారు. ఇలా ఐదేళ్లుగా బాలిక లైంగిక వేధింపులను అనుభవిస్తున్నట్లు చెప్పారు. ఈ ఘటనపై వివిధ సెక్షన్ల కింద పుణెలోని బుంద్ ​గార్డెన్​ స్టేషన్​లో కేసు నమోదు చేశారు పోలీసులు.

బాధితురాలు, ఆమె కుటుంబం బిహార్​ నుంచి మహారాష్ట్రలోని పుణెకు వలస వచ్చింది. తన పాఠశాలలో జరిగిన 'గుడ్ టచ్ అండ్ బ్యాడ్ టచ్​' అనే కార్యక్రమంలో బాలిక ఈ విషయాలను వెల్లడించినట్లు ఎస్సై అశ్విని సాత్​పుతె తెలిపారు. ఐదేళ్లుగా లైంగిక వేధింపులకు గురవుతున్నట్లు బాలిక చెప్పిందన్నారు. 2017 నుంచి చిన్నారి తండ్రి లైంగిక వేధింపులకు పాల్పడుతుండగా.. 2020లో బాలిక సోదరుడు సైతం వేధింపులకు గురిచేసినట్లు తేలిందన్నారు.

బాలికపై లైంగిక దాడులన్నీ వేర్వేరుగా జరిగాయని.. ఇది గ్యాంగ్​రేప్​ కాదని అన్నారు ఎస్సై అశ్విని. నిందితులపై పోక్సో చట్టం ప్రకారం చర్యలు తీసుకుంటామన్నారు.

యువతిపై గ్యాంగ్​ రేప్..

ఉత్తర్​ప్రదేశ్ బాగ్​పత్​లో మరో నిర్భయ ఘటన వెలుగులోకి వచ్చింది. బాగ్​పత్​ పోలీస్​స్టేషన్ పరిధిలోని ఓ గ్రామానికి చెందిన యువతిని.. అదే గ్రామానికి చెందిన నలుగురు యువకులు కిడ్నాప్ చేశారు. అనంతరం ఆమెను ఓ గుడిసెలోకి లాక్కెళ్లి అత్యాచారానికి పాల్పడ్డారు.

ఈ ఘటనపై బాధితురాలి కుటుంబసభ్యులు పోలీస్​స్టేషన్​లో ఫిర్యాదు చేశారు. ఈ కేసులో ఇప్పటివరకు ఒకరిని అరెస్ట్ చేశామన్నారు పోలీసులు. ఘటనపై పూర్తి స్థాయిలో విచారణ చేపట్టినట్లు తెలిపారు.

నాలుగేళ్ల చిన్నారిపై..

మధ్యప్రదేశ్​లోని మందసుర్​ జిల్లా దొదియా మీన గ్రామంలో దారుణం జరిగింది. నాలుగేళ్ల చిన్నారిపై అత్యాచారం చేసి కిరాతకంగా చంపేశారు కొందరు దుండగులు. బాలిక మృతదేహానికి పోస్ట్ మార్టం నిర్వహించిన వైద్యులు.. రిపోర్టును భద్రపరిచారు. ప్రస్తుతం ఈ ఘటనపై అధికారులు దర్యాప్తు చేపట్టినట్లు మందసుర్ పోలీస్ అధికారి లక్ష్మీ సిసోడియా తెలిపారు.

ఇదీ చూడండి:డాక్టర్ 'సరోగసి'​ చీటింగ్​.. హైదరాబాద్​ దంపతులకు టోకరా!