వద్దన్నా వెళ్లాడు.. వాగులో కొట్టుకుపోయాడు... కానీ..!
Man vanished in Canal: ఏపీలో కురుస్తున్న భారీ వర్షాలకు వాగులు, చెరువులు పొంగిపొర్లుతున్నాయి. వాగులపై వంతెన లేకపోవడం వల్ల కొన్ని చోట్ల ప్రజలు రాకపోకలకు ఇబ్బందులు ఎదుర్కొంటున్నారు. వాగు దాటడానికి ప్రయత్నిస్తూ ప్రవాహంలో కొట్టుకుపోతున్నారు. ఏలూరు జిల్లా బుట్టాయగూడెం మండలంలో ఇలాంటి ఘటనే చోటు చేసుకుంది. బుట్టాయగూడెం సహా పలు ఏజెన్సీ ప్రాంతాల్లో ఉదయం నుంచి భారీ వర్షాలు కురుస్తున్నాయి. భారీ వర్షాలకు తోడు ఎగువ నుంచి వరద ప్రవాహం వస్తుండటంతో తూర్పు కాలువ ఉద్ధృతంగా ప్రవహిస్తోంది. దీంతో కోటరామచంద్రాపురం ఐటీడీఏకు వెళ్లే మార్గంలో రాకపోకలు నిలిచిపోయాయి.