ఏపీలోని తూర్పు గోదావరి జిల్లా అమలాపురం పురపాలక సంఘం కథ కాస్త వేరు. అయిదేళ్లలో అయిదుగురు ఛైర్మన్లు మారారు. ఇది రికార్డు కాగా.. ఛైర్మన్ పదవీ కాలాన్ని మూడేళ్లు, రెండేళ్ల చొప్పున పంచుకునేలా 2014 ఎన్నికల సమయంలో ఒప్పందం కుదిరింది. ఆ ప్రకారం.. జులై 3, 2014న యాళ్ల మల్లేశ్వరరావు ఛైర్మన్గా బాధ్యతలు నిర్వహిస్తూ.. ఆకస్మికంగా మరణించారు.
పురపాలిక ఒక్కటే.. కానీ ఐదుగురు ఛైర్మన్లు..!
మున్సిపాలిటీల్లో ఛైర్మన్ ఒక్కరే ఉంటారు. ఏదైనా అత్యవసర పరిస్థితులు ఎదురైతే మారాల్సి వస్తుంది. కానీ ఐదేళ్లలో ఐదుగురు ఛైర్మన్ పీఠంపై కూర్చోవడమంటే కాస్త ఆలోచించాల్సిన విషయమే..! ఎన్ని కారణాలుంటే అలా జరుగుతుందో కదా. ఇంతకీ 'అ' మున్సిపాలిటీలో అలా ఎలా జరిగింది?
పురపాలిక ఒక్కటే.. కానీ ఐదుగురు ఛైర్మన్లు..!
వైస్ ఛైర్మన్గా ఉన్న పెచ్చెట్టి విజయలక్ష్మి.. 2015-2016 మధ్య ఇంఛార్జి ఛైర్ పర్సన్గా కొనసాగారు. ఆ తర్వాత ఒప్పందంలో భాగంగా 2016-2018 చిక్కాల వినాయకరావు ఛైర్మన్గా వ్యవహరించారు. ఇంతలో మృతి చెందిన మల్లేశ్వరరావు స్థానం నుంచి ఆయన కుమారుడు నాగ సతీశ్ కౌన్సిలర్గా విజయం సాధించారు. ఆయన ఛైర్మన్ పదవికి కావాలనడంతో వినాయకరావు రాజీనామా చేశారు. ఈ క్రమంలో కొద్ది రోజులు గంపల నాగలక్ష్మి ప్యానెల్ ఛైర్ పర్సన్గా ఎన్నికయ్యారు. అనంతరం నాగసతీశ్ ఛైర్మన్ పదవిలో కొనసాగారు. ఇదండీ అమలాపురం అయిదుగురు ఛైర్మన్ల వెనక ఉన్న అసలు విషయం. వినడానికి భలే ఆశ్చర్యంగా ఉంది కదూ.!
ఇదీ చదవండి:ఉత్తమ నివాసయోగ్య నగరాల జాబితాలో విశాఖకు 15వ స్థానం