శంషాబాద్ ఎయిర్ పోర్ట్​కు క్యాబ్​ బుకింగ్​లు నిలిపివేత

భాగ్యనగరంలో క్యాబ్ డ్రైవర్లు నిరసన చేపట్టారు. కేంద్ర, రాష్ట్ర ప్రభుత్వాలు ఉద్యోగ, కార్మిక వ్యతిరేక విధానాలకు నిరసనగా.. శంషాబాద్ ఎయిర్ పోర్ట్​కు సుమారు 3వేల ఓలా, ఊబర్ బుకింగ్​లు నిలిచిపోయాయి.

కేంద్ర, రాష్ట్ర ప్రభుత్వాలు ఉద్యోగ, కార్మిక వ్యతిరేక విధానాలకు నిరసనగా.. మహానగరంలో క్యాబ్ డ్రైవర్లు నిరసన చేపట్టారు. హైదరాబాద్​ శంషాబాద్ ఎయిర్ పోర్ట్​కు సుమారు 3వేల ఓలా, ఊబర్ బుకింగ్​లు నిలిపివేశామని తెలంగాణ రాష్ట్ర టాక్సీ, క్యాబ్ డ్రైవర్ల ఐకాస కమిటీ చైర్మన్ షేక్ సలావుద్దీన్ తెలిపారు. ట్రాన్స్​పోర్ట్​ కార్మికులకు సంక్షేమ బోర్డ్ ఏర్పాటు చేయాలని వారు ప్రధానంగా డిమాండ్​ చేస్తున్నారు.

మోటార్ వాహన చట్టం - 2019ని రద్దు చేయాలని, బుకింగ్ రద్దుకు రూ.500ల జరిమానా నిలిపివేయాలని క్యాబ్ డ్రైవర్లు కేంద్రాన్ని కోరారు. ఈ-చాలన్స్ తీసేయాలని మొదటి నుంచి అభ్యర్థిస్తున్నా కేంద్ర, రాష్ట్ర ప్రభుత్వాలు నిర్లక్ష్యం వహిస్తున్నాయని క్యాబ్ డ్రైవర్లు ఆరోపిస్తున్నారు.

శంషాబాద్ ఎయిర్ పోర్ట్​కు 3వేల క్యాబ్​ బుకింగ్​లు నిలిపివేత