జీహెచ్​ఎంసీకి మరో అవార్డు

జీహెచ్​ఎంసీని మరో అవార్డు వరించింది. కేంద్రం డిజిటల్​ ఇండియా పేరుతో గుర్తింపునిచ్చింది. సాంకేతికత వినియోగం, మెరుగైన సేవలు కారణాలుగా ప్రశసించనుంది.

హైదరాబాద్​ మహానగర పాలక సంస్థను మరో అవార్డు వరించింది. జీహెచ్​ఎంసీ సాంకేతికతను విస్తృతంగా వినియోగించడం, పట్టణ పౌరులకు మెరుగైన సేవలు అందించడం వల్ల కేంద్రం డిజిటల్​ ఇండియా గుర్తింపునిచ్చింది. ఈ- ఆఫీస్​, మై జీహెచ్​ఎంసీ యాప్​లతో లక్షల సమస్యలు పరిష్కారం అయ్యాయి. దేశంలో ఈ యాప్​ను 7 లక్షల మంది ఉపయోగిస్తున్నారు. నగర పాలక సంస్థకు ఈ అవార్డు రావడం పట్ల మేయర్​ బొంతు రామ్మోహన్​ హర్షం వ్యక్తం చేశారు. కేంద్ర సాంకేతిక శాఖ మంత్రి రవి శంకర్​ ప్రసాద్​ దిల్లీలో రేపు ఈ అవార్డును అందించనున్నారు.