FOOD POISON:ఆదిలాబాద్లోని బేల మండలానికి చెందిన కస్తూర్బా విద్యాలయంలో నిన్న మధ్యాహ్నం తిన్న భోజనం విషతుల్యంగా మారి దాదాపు 20 మంది విద్యార్థినిలను అస్వస్థతకు గురిచేసింది. ఆదివారం మధ్యాహ్నం చికెన్తో భోజనం చేసే సమయంలో అన్నంలో పురుగులు వచ్చినట్లు విద్యార్థులు తెలిపారు. తరువాత రాత్రి భోజనం చేయకుండానే పడుకున్నామని ఉదయం నిద్రలేచిన విద్యార్థినులకు కళ్లు తిరగటం, వాంతులు, విరేచనాల కావటంతో సిబ్బందికి వివరించారు.
హాస్టల్ అధికారులు అప్రమత్తమై... అస్వస్థతకు గురైన వారందరిని ఆదిలాబాద్ రిమ్స్‌కు తరలించారు. కాగా.... కేజీబీవీలో అందిస్తున్న భోజనంలో నాణ్యత లోపించటమే ఘటనకు కారణమని విద్యార్థినులు వాపోతున్నారు. మధ్యాహ్న భోజనంలో పురుగులు వచ్చినట్లు అధికారుల దృష్టికి తీసుకువెళ్లినా పట్టించుకోలేదని ఆవేదన వ్యక్తం చేస్తున్నారు.