తొమ్మిదో తేదీ.. 9 గంటలకు.. 9 వివాహాలు

ఒకే రోజు ఒకే వేదికపై ఒకే సుముహూర్తాన.. అదీ తొమ్మిదో తేదీ, 9 గంటల సమయం, తొమ్మిది జంటల సామూహిక వివాహాలు వైభవంగా జరిగాయి. వేలాది మంది తరలిరావడంతో అంజి గ్రామంలో పెళ్లి సందడి నెలకొంది.

ఆదిలాబాద్ జిల్లా ఇంద్రవెల్లి మండలం అంజి గ్రామంలో సామూహిక వివాాహాలు వైభవంగా జరిగాయి. తొమ్మిదో తేదీన 9 గంటల సమయాన తొమ్మిది జంటలు ఏకమయ్యాయి. పులాజిబాబా ధ్యాన మందిర్ ఆవరణలో ఆదివాసి ఆంద్​ రాష్ట్ర అధ్యక్షుడు కైలాశ్​, జిల్లా అధ్యక్షుడు విష్ణు.. ఆంద్ సమాజం ఆధ్వర్యంలో వివాహాలను శనివారం ఘనంగా జరిపించారు.

జడ్పీ ఛైర్మన్ రాఠోడ్ జనార్దన్, రాష్ట్ర మహిళా కమిషన్ సభ్యురాలు ఈశ్వరీభాయి, ఎమ్మెల్యే రాఠోడ్ బాపురావు, మాజీ ఎంపీ రాఠోడ్ రమేశ్​ ఈ వివాహాలకు హాజరై నూతన వధూవరులను ఆశీర్వదించారు.

ఈ సందర్భంగా రాష్ట్ర మహిళా కమిషన్ సభ్యురాలు, జడ్పీ చైర్మన్ మాట్లాడారు. నిరుపేదలకు వివాహాలు జరిపించి చేయూతనిచ్చిన గ్రామస్థులు, యూత్ సభ్యులకు అభినందనలు తెలిపారు. ముఖ్యమంత్రి కేసీఆర్​ పేద కుటుంబాలను ఆదుకునేందుకు వివాహ సమయంలో రూ.1,00,116 అందిస్తూ.. అండగా నిలుస్తున్నారని గుర్తుచేశారు.

ఇదీ చూడండి:'అడాప్ట్ ఏ పెట్' కార్యక్రమానికి విశేష స్పందన