'విద్యుత్‌ ఉద్యోగుల భద్రత కోసం మరో ఉద్యమానికైనా సిద్ధమే'

ఆదిలాబాద్‌లో ఏర్పాటు చేసిన ఉమ్మడి జిల్లా విద్యుత్‌ ఉద్యోగుల సర్వసభ్య సమావేశంలో ఐఎన్‌టీయూసీ అనుబంధ విద్యుత్ ఉద్యోగుల యూనియన్​ రాష్ట్ర జనరల్‌ సెక్రటరీ శ్రీధర్‌ పాల్గొన్నారు. కాంట్రాక్ట్​ కార్మికులను ఉద్యోగులుగా గుర్తించారే తప్ప సమాన వేతనాలు ఇవ్వడంలో ప్రభుత్వం నిర్లక్ష్యం వైఖరి కనబరుస్తోందని ఆరోపించారు.

రాష్ట్రంలో విద్యుత్‌ కార్మికుల ఉద్యోగ భద్రత కోసం అవసరమైతే మరో ఉద్యమానికైనా సిద్ధమేనని ఐఎన్‌టీయూసీ అనుబంధ విద్యుత్​ ఉద్యోగుల యూనియన్​ రాష్ట్ర జనరల్‌ సెక్రటరీ శ్రీధర్‌ అన్నారు. ఆదిలాబాద్‌లో ఏర్పాటు చేసిన ఉమ్మడి జిల్లా విద్యుత్‌ ఉద్యోగుల సర్వసభ్య సమావేశంలో పాల్గొని ప్రసంగించారు.

తెలంగాణ రాష్ట్రం ఏర్పడిన తర్వాత కాంట్రాక్ట్​ కార్మికులను ఉద్యోగులుగా గుర్తించారే తప్ప... సమాన వేతనాలు ఇవ్వడం లేదని ఆరోపించారు. ఈ విషయాన్ని ప్రభుత్వం దృష్టికి తీసుకెళ్లినా ఫలితంలేదని అసంతృప్తి వ్యక్తం చేశారు. ప్రభుత్వం స్పందించకపోతే ఉద్యోగుల ప్రయోజనాల కోసం ఉద్యమానికీ వెనకాడబోమని హెచ్చరించారు.

ఇదీ చూడండి:ఓరుగల్లు జిల్లాలో లెక్కల్లో లేని ఆస్తులు ఇవీ...