Upcoming Cars In India : రూ.15 లక్షల లోపు కారు కొనాలా? అప్​కమింగ్ టాప్​ 5 కార్లు ఇవే!

Upcoming Cars In India In Telugu : పండగ సీజన్​లో సరికొత్త కారు కొందామని అనుకుంటున్నారా? అయితే మీకు గుడ్​ న్యూస్. ప్రముఖ ఆటోమొబైల్​ కంపెనీలు తమ సరికొత్త మోడల్​ కార్లను త్వరలో విడుదల చేయడానికి సిద్ధంగా ఉన్నాయి. వాటిలో రూ.15 లక్షల బడ్జెట్​లోని టాప్​ 5 కార్ల గురించి ఇప్పుడు తెలుసుకుందాం.

Upcoming Cars In India 2023 : ప్రముఖ ఆటోమొబైల్​ కంపెనీలు అన్నీ పండగల సీజన్​లో సరికొత్త కార్లను భారత మార్కెట్లో విడుదల చేసేందుకు సంసిద్ధం అవుతున్నాయి. ఎందుకంటే ఆ సమయంలో ఆటోమొబైల్ సేల్స్ చాలా ఎక్కువగా ఉంటాయి. అందుకే ప్రముఖ కార్ల కంపెనీలు ఈ అవకాశాన్ని సద్వినియోగం చేసుకునేందుకు ప్రయత్నిస్తాయి.
ఇప్పుడు మనం పండగ సీజన్​లో విడుదల కానున్న టాప్​ 5 కారుల గురించి తెలుసుకుందాం. ముఖ్యంగా రూ.15 లక్షల బడ్జెట్​లోని కార్లపై ఓ లుక్కేద్దాం.

1. టాటా నెక్సాన్​ ఫేస్​లిఫ్ట్​ :
TATA Nexon Facelift :2023లో టాటా మోటార్స్​ కంపెనీ నుంచి రానున్న బెస్ట్ కారు నెక్సాన్ ఫేస్​లిఫ్ట్​. ఈ అప్​డేటెడ్​ ఎస్​యూవీ కార్లలో సరికొత్త మార్పులు తీసుకురానున్నట్లు సమాచారం. ముఖ్యంగా కర్వ్​ ICE కాన్సెప్ట్​ స్ఫూర్తితో.. నెక్సాన్ కార్​ డిజైన్​ను రూపొందిస్తున్నారు. 10.25 అంగుళాల ఇన్ఫోటైన్​మెంట్​ సిస్టమ్​తో కూడిన న్యూ క్యాబిన్​ లేవుట్ దీనిలో పొందుపరిచారు. అలాగే డిజిటల్​ ఇన్​స్ట్రుమెంట్​ క్లస్టర్​ కూడా ఇందులో అమర్చనున్నారు.

TATA Nexon Facelift : టాటా నెక్సాన్​ ఫేస్​లిఫ్ట్ కారు

• టాటా నెక్సాన్​ ఫేస్​లిఫ్ట్​లో సరికొత్త 1.2 లీటర్​ tGDi పెట్రోల్​ ఇంజిన్​ ఉంటుంది. ఇది 125 bhp పవర్​, 225 Nm టార్క్​ జనరేట్ చేస్తుంది.
• టాటా నెక్సాన్​ ఫేస్​లిఫ్ట్ ధర​.. దాని ముందటి వెర్షన్​ కంటే కచ్చితంగా ఎక్కువగా ఉండే అవకాశం ఉంది. సెప్టెంబర్​లో ఈ నయా కారు మార్కెట్​లో విడుదల అయ్యే అవకాశం ఉంది.

2. హోండా ఎలివేట్​
Honda Elevate : హోండా కంపెనీ తన మిడ్​-సైజ్​ ఎస్​యూవీ కారు హోండా ఎలివేట్​మోడల్​ను జూన్​లో ప్రజలకు చూపించింది. ఈ కారును సెప్టెంబర్​ మొదటి వారంలో విడుదల చేసే అవకాశం ఉంది. ఇప్పటికే ఈ ఎస్​యూవీ బుకింగ్స్ ప్రారంభమయ్యాయి. ఒకసారి ధర నిర్ణయించిన తరువాత.. వెంటనే డెలివరీలు ప్రారంభించే అవకాశం ఉంది.

Honda Elevate : హోండా ఎలివేట్​ కారు

హోండా ఎలివేట్​లో 1.5 లీటర్ i-VTEC ఇంజిన్​ ఉంది. ఇది 121 bhp పవర్​, 145 Nm టార్క్​ను ఉత్పత్తి చేస్తుంది. ఈ కారు ధర విషయానికి వస్తే.. ప్రారంభ ధర బహుశా రూ.11 లక్షలు (ఎక్స్​-షోరూం) ఉండే అవకాశం ఉంది.

3. టయోటా రూమియన్​
Toyota Rumion : మారుతి సుజుకి కార్​ను రీబ్యాడ్జ్​ చేసి.. టయోటా నేమ్​ప్లేట్​తో.. టయోటా రూమియన్​ కారును భారత మార్కెట్​లోకి తెచ్చేందుకు సన్నాహాలు చేస్తున్నారు. టయోటా కంపెనీ ఇప్పటికే ఈ MVP కారును అలాగే దాని వేరియంట్లను పరిచయం చేసింది.

Toyota Rumion : టయోటా రూమియన్​

టయోటా రూమియన్​ కారు వాస్తవానికి మారుతి సుజుకి ఎర్టిగా బేస్డ్​ MVP. దీనిని సెప్టెంబర్​ నెలలో ఇండియన్​ మార్కెట్​లో విడుదల చేసే అవకాశం ఉంది. టయోటా ఇప్పటికే ఎర్టిగా బేస్డ్​ రూమియన్​ కారును దక్షిణ ఆఫ్రికాలో విడుదల చేసింది. వాస్తవానికి ఈ కారును మారుతి సుజుకి ఇండియాలో తయారుచేసి, దక్షిణాఫ్రికాకు ఎగుమతి చేసింది.

4. సిట్రోయెన్​ సీ3 ఎయిర్​క్రాస్​
Citroen C3 Aircross : ఈ మిడ్​-సైజ్​ ఎస్​యూవీ కారు కూడా త్వరలోనే విడుదల అయ్యే అవకాశం ఉంది. ముఖ్యంగా దీనిలో 5 సీటర్​, 7 సీటర్​ కాన్ఫిగరేషన్​ వేరియంట్స్​ను అందించనున్నారు.

Citroen C3 Aircross : సిట్రోయెన్​ సీ3 ఎయిర్​క్రాస్​ కారు

ఈ సిట్రోయెన్​ సీ3 ఎయిర్​క్రాస్​ కారులో 1.2 లీటర్​ టర్బో పెట్రోల్​ ఇంజిన్​ ఉంది. ఇది 110 bhp పవర్​, 190 Nm టార్క్ విడుదల చేస్తుంది. ఇప్పటికే ఈ కారును పరిచయం చేసింది కంపెనీ. ఈ కారు ధర రూ.10 లక్షలు (ఎక్స్ షోరూం) ఉండవచ్చని అంచనా.

5. మహీంద్రా బొలెరో నియో ప్లస్​
Mahindra Bolero Neo Plus : ప్రముఖ దేశీయ ఆటోమొబైల్​ దిగ్గజం మహీంద్రా అండ్​ మహీంద్రా 2023లో ఇప్పటి వరకు ఎలాంటి కార్లను విడుదల చేయలేదు. ఈ లోటును తీర్చేందుకు త్వరలో బొలెరో నియో ప్లస్​ ఎస్​యూవీ కారును విడుదల చేసేందుకు సన్నాహాలు చేస్తోంది. ఇప్పటికే ఈ కారును చాలా సార్లు రోడ్లపై చూశాం. కొన్ని హంగులతో సరికొత్తగా ఇది రానుంది.

Mahindra Bolero Neo Plus : మహీంద్రా బొలెరో నియో ప్లస్​

ఈ మహీంద్రా బొలెరో నియో ప్లస్​ కారులో 2.2 లీటర్​ mHawk డీజిల్ ఇంజిన్​ పొందుపరచినట్లు తెలుస్తోంది. ఈ కారు కనీసం 4 మీటర్ల కంటే పొడవుగా ఉండనుంది. దీని ధర సుమారు రూ.10 లక్షలు (ఎక్స్​ షోరూం) ఉండవచ్చు.