Upcoming Cars In 2024 : కార్ లవర్స్ అందరికీ గుడ్ న్యూస్. 2024లో ఇండియన్ మార్కెట్లో టాప్ బ్రాండెడ్ కార్స్ లాంఛ్ కానున్నాయి. వాటి వివరాలు ఇప్పుడు తెలుసుకుందాం.
1. New Gen Maruti Suzuki Swift
భారత ఆటోమొబైల్ దిగ్గజం మారుతి సుజుకి.. 2024 ఫిబ్రవరిలో న్యూ జనరేషన్ మోడల్ Swift కారును లాంఛ్ చేసే అవకాశం ఉంది. ఈ కారులో 1.2 లీటర్ హైబ్రీడ్ పెట్రోల్ ఇంజిన్ను అమర్చారని.. దీని ప్యూయెల్ ఎఫీషియన్సీ.. లీటర్కు 35 కి.మీ అని సమాచారం. అంతేకాదు ఈ అప్కమింగ్ కారులో పలు ఇంటీరియర్, ఎక్స్టీరియర్ మార్పులు కూడా చేస్తున్నట్లు తెలుస్తోంది. బహుశా టోక్యో మోటార్ షోలో ఈ హ్యాచ్బ్యాక్ కారును ఆవిష్కరించే అవకాశం ఉంది.
2. New Gen Maruti Suzuki Swift Dzire
మారుతి సుజుకి కంపెనీ బహుశా 2024 మార్చిలో ఈ స్విఫ్ట్ డిజైర్ కారును లాంఛ్ చేసే అవకాశం ఉంది. దీనిలో 1.2 లీటర్ హైబ్రీడ్ ఇంజిన్ ఏర్పాటుచేయనున్నట్లు తెలుస్తోంది. ఈ కారు కూడా మారుతి స్విఫ్ట్ తరహా డిజైన్ను కలిగి ఉంటుందని సమాచారం.
3. Maruti Suzuki 7 Seater SUV
ఈ మారుతి ఎస్యూవీని 2024 అక్టోబర్లో విడుదల చేసే అవకాశం ఉంది. Grand Viatra బేస్ మోడల్ ఆధారంగా రూపుదిద్దుకుంటున్న ఈ ఎస్యూవీ కారు.. టాటా సఫారీ, ఎంజీ హెక్టార్ ప్లస్, హ్యుందాయ్ అల్కాజర్, మహీంద్రా ఎక్స్యూవీ700తో నేరుగా పోటీ పడనుంది.
4. Toyota Taisor (Fronx Based Subcompact SUV)
టయోటా టైసర్ 2024 ఫిబ్రవరిలో లాంఛ్ అయ్యే అవకాశం ఉంది. ఈ కారులో 1.2 లీటర్ K12C ఇంజిన్ అమరుస్తున్నారు. ఇది పెట్రోల్, సీఎన్జీ వేరియంట్లతో వస్తుంది. అలాగే 1.0 లీటర్ బూస్టర్జెట్ టర్బో పెట్రోల్ మోటార్ వేరియంట్ కూడా ఉంటుంది. ముఖ్యంగా ఈ కారులో బంపర్స్, ఫ్రంట్ గ్రిల్, అల్లాయ్ వీల్స్ డిజైన్లో మార్పులు చేస్తున్నట్లు తెలుస్తోంది.
5. Toyota Fortuner
భారత్ ఎస్యూవీ టయోటా ఫార్చ్యూనర్ కారుకు మంచి డిమాండ్ ఉంది. దీనిని బహుశా 2024 నవంబర్లో లాంఛ్ చేసే అవకాశం ఉంది. దీనిలో 2.8 లీటర్ టర్బో డీజిల్ ఇంజిన్ను ఏర్పాటుచేస్తున్నట్లు సమాచారం.
6. Tata Harrier Petrol
టాటా మోటార్స్ ఇటీవలే హారియర్ ఫేస్లిఫ్ట్ను లాంఛ్ చేసింది. కానీ పెట్రోల్ ఇంజిన్ వేరియంట్ను మాత్రం అందుబాటులోకి తీసుకురాలేదు. అయితే 2024 ఏప్రిల్లో టాటా హారియర్ పెట్రోల్ వేరియంట్ను లాంఛ్ చేస్తామని కంపెనీ వెల్లడించింది. టాటా హారియర్లో 1.5 లీటర్ tGDi పెట్రోల్ ఇంజిన్ను పొందుపరుస్తున్నారు.
7. Tata Safari Petrol
టాటా మోటార్స్ కంపెనీ.. హారియర్తో పాటు సఫారీ పెట్రోల్ వేరియంట్ను కూడా 2024 ఏప్రిల్లో విడుదల చేయనుంది. దీనిలో కూడా1.5 లీటర్ tGDi పెట్రోల్ ఇంజిన్ను పొందుపరుస్తున్నారు. ఈ ఇంజిన్ 168 bhp పవర్, 280 Nm టార్క్ జనరేట్ చేస్తుంది. అలాగే ఇది 6 స్పీడ్ మాన్యువల్, 7 స్పీడ్ డీసీటీ గేర్ బాక్స్ అనుసంధానంతో వస్తుంది. టాటా సఫారీ కారులో 2.0 లీటర్ టర్బో డీజిల్ వేరియంట్ కూడా అందుబాటులో ఉంటుంది.
8. Tata Curvv EV
టాటా కంపెనీ ఈ న్యూ జనరేషన్ 2 ఎలక్ట్రిక్ కారును 2024 నవంబర్లో లాంఛ్ చేసే అవకాశం ఉంది. ఈ టాటా కర్వ్ ఈవీని ఒకసారి ఫుల్ ఛార్జ్ చేస్తే 400-500 కి.మీ రేంజ్ వరకు ప్రయాణించవచ్చని కంపెనీ చెబుతోంది.
9. Tata Harrier EV
2023 ఆటో ఎక్స్పోలో ఈ టాటా హారియర్ ఈవీని పరిచయం చేశారు. దీనిని ICE వేరియంట్ కంటే భిన్నమైన డిజైన్తో రూపొందించడం జరిగింది. ఈ కారులో డ్యూయెల్ మోటార్ ఏడబ్ల్యూడీ సెటప్ ఉంటుంది. బహుశా ఈ టాటా హారియర్ ఈవీ కారును 2024 మార్చిలో లాంఛ్ చేయవచ్చు.
10. Tata Punch EV
టాటా మోటార్స్ ఇండియన్ మార్కెట్లో విడుదల చేస్తున్న నాల్లో ఈవీ కారు ఇది. దీనిలో 30kWh సామర్థ్యం గల బ్యాటరీని అమర్చారు. దీనిని ఫుల్ ఛార్జ్ చేస్తే 300 కి.మీ వరకు ప్రయాణించవచ్చని కంపెనీ చెబుతోంది. బహుశా ఈ టాటా పంచ్ ఈవీని 2024 ఫిబ్రవరిలో విడుదల చేసే అవకాశం కనిపిస్తోంది.
11. Honda Sub 4 Meter SUV
హోండా కంపెనీ 2030లో 5 సరికొత్త ఎస్యూవీలను లాంఛ్ చేస్తామని ప్రకటించింది. అందులో భాగంగా 2024 సెప్టెంబర్లో హోండా సబ్ 4 మీటర్ ఎస్యూవీని ఇండియన్ మార్కెట్లో లాంఛ్ చేయనుంది. ఈ కారు దాదాపు 4 మీటర్ల పొడవుతో, ఎలివేట్ డిజైన్తో, ADAS టెక్తో వచ్చే అవకాశం ఉన్నట్లు సమాచారం.
12. New Gen Honda Amaze
ఈ కాంపాక్ట్ సెడాన్ 2024 ఏప్రిల్లో ఇండియన్ మార్కెట్లో లాంఛ్ అయ్యే అవకాశం ఉంది. దీనిలో 1.2 లీటర్ i-VTEC ఇంజిన్ అమర్చారు. ఇది 90 bhp పవర్, 110 Nm టార్క్ జనరేట్ చేస్తుంది. ఈ న్యూ జెన్ హోండా అమేజ్ కారు ADAS టెక్తో రానుంది.
13. Mahindra Thar 5 Door
దేశీయ ఆటోమొబైల్ దిగ్గజం మహీంద్రా & మహీంద్రా 2024 ఆగస్టులో థార్ 5 డోర్ కారును భారత మార్కెట్లో లాంఛ్ చేయనుంది. స్కార్పియో ఎన్ మోడల్లోని ఇంజిన్నే దీనిలోనూ పొందుపరిచారు. ఈ థార్ కారు 2.2 లీటర్ mHawk డీజిల్, 2.0 లీటర్ mStallion పెట్రోల్ ఇంజిన్ వేరియంట్లలో లభిస్తుంది. దీనిలో 5 డోర్లు ఉంటాయి. పైగా విశాలమైన బుట్ స్పేస్ కూడా ఇందులో ఉంటుంది.