Upcoming Bikes : 2023లో లాంఛ్​ కానున్న సూపర్​ బైక్స్​ ఇవే.. ఫీచర్స్​ ఎలా ఉన్నాయంటే?

Upcoming Bikes In India 2023 : బైక్​ ప్రియులను ఈ ఏడాది పండగే పండగ. రాయల్​ ఎన్​ఫీల్డ్​, టీవీఎస్​, హోండా, ట్రయంఫ్​, కేటీఎం, హీరో మోటోకార్ప్​ లాంటి టాప్​ బ్రాండ్​​ సూపర్​ బైక్​లు త్వరలో భారత్​ మార్కెట్​లో లాంఛ్​ కానున్నాయి. స్టన్నింగ్స్ లుక్స్​తో, అదిరిపోయే ఫీచర్స్, స్పెసిఫికేషన్స్​తో రానున్న ఈ బైక్స్​పై ఓ లుక్కేద్దామా?

Upcoming Bikes In India 2023 : భారత్​లో టాప్​ బ్రాండ్ బైక్స్​కు యువతలో మంచి క్రేజ్ ఉంది. దీనిని క్యాష్​ చేసుకుంటూ బ్రాండెడ్​ టూ-వీలర్ కంపెనీలు ఎప్పటికప్పుడు సరికొత్త మోడల్స్​ను మార్కెట్​లోకి తెస్తూనే ఉన్నాయి. అందులో భాగంగా ఈ ఏడాది కూడా రాయల్​ ఎన్​ఫీల్డ్​, టీవీఎస్​, హోండా, హోరో మోటోకార్ప్​ లాంటి టాప్ కంపెనీలు.. సరికొత్త మోడల్స్​ను లాంఛ్​ చేసేందుకు సన్నాహాలు చేస్తున్నాయి.

రాయల్​ ఎన్​ఫీల్డ్ బుల్లెట్​ 350
New Gen Royal Enfield Bullet 350 : యూత్​లో మంచి క్రేజ్​ ఉన్న టూ-వీలర్ బ్రాండ్​ రాయల్​ ఎన్​ఫీల్డ్​. ప్రస్తుతం ఈ కంపెనీ ఆగస్టు నెలాఖరు నాటికి బుల్లెట్​ 350ని భారత్​ మార్కెట్లో విడుదల చేయడానికి సిద్ధంగా ఉంది. దీనిలో 349 సీసీ సింగిల్ సిలెండర్​ ఇంజిన్​ను పొందుపరిచారు. ఇది 20బీహెచ్​పీ పవర్​, 27 ఎన్​ఎమ్ టార్క్​ను విడుదల చేస్తుంది. ఈ సూపర్​ బైక్​లో 5 స్పీడ్​ గేర్​ బాక్స్ కూడా ఉంది. ఈ బుల్లెట్​ 350 బైక్​.. రాయల్​ ఎన్​ఫీల్డ్​ కంపెనీకి చెందిన హంటర్​ 350, క్లాసిక్​ 350 లైన్​అప్​లో ఉంది.

రాయల్​ ఎన్​ఫీల్డ్ బుల్లెట్​ 350

రాయల్​ ఎన్​ఫీల్డ్​ హిమాలయన్​ 450
Royal Enfield Himalayan 450 : బైక్​ ప్రియులందరూ ఎంతో ఆత్రంగా ఎదురుచూస్తున్న హిమాలయన్​ 450 బైక్​ను పండగ సీజన్​లో లాంఛ్ చేసేందుకు రాయల్​ ఎన్​ఫీల్డ్ సన్నాహాలు చేస్తోంది. ఈ బైక్​లో 450 సీసీ సింగిల్ సిలిండర్​ ఇంజిన్​ను పొందుపరుస్తున్నారు. ఇది 40 బీహెచ్​పీ పవర్​, 45 ఎన్​ఎమ్​ టార్క్​ను జనరేట్ చేస్తుందని తెలుస్తోంది.

రాయల్​ ఎన్​ఫీల్డ్​ హిమాలయన్​ 450

టీవీఎస్​ అపాచీ ఆర్​టీఆర్​ 310
TVS Apache RTR 310 : టీవీఎస్​ మోటార్​ కంపెనీ ఈ నేకెడ్​ స్పోర్ట్స్​​ వెర్షన్ బైక్​ను​ 'అపాచీ ఆర్​టీఎక్స్​' ట్రేడ్​మార్క్​తో భారత మార్కెట్​లోకి విడుదల చేయడానికి సన్నాహాలు చేస్తోంది. ఈ బైక్​లో 312సీసీ ఇంజిన్ ఉంది. ఇది 34బీహెచ్​పీ పవర్​, 27.3 ఎన్​ఎం టార్క్​ జనరేట్​ చేస్తుంది. ఇటీవల ఈ బైక్​ రియర్ సెక్షన్​ లీక్​ అయ్యింది. ఇది ఆర్​ఆర్​ 310 బైక్​ కంటే చాలా భిన్నంగా ఉండడం విశేషం. పండగ సీజన్​లో దీనిని లాంఛ్​ చేసేందుకు టీవీఎస్​ మోటార్స్ కంపెనీ సిద్ధమవుతోంది.

టీవీఎస్​ అపాచీ ఆర్​టీఆర్​ 310

హోండా సీబీ350 క్రూయిజర్​
Honda CB350 Cruiser : హోండా కంపెనీ సీబీ350 ప్లాట్​ఫాం ఆధారంగా సరికొత్త క్రూయిజర్​ మోటర్​సైకిల్​ తెచ్చేందుకు కృషి చేస్తోంది. ఈ జపాన్​ కంపెనీ ఈ టూ-వీలర్​ ద్వారా తన 350 సీసీ పోర్టుఫోలియోను భారత్​లో మరింత విస్తరించుకోవడానికి ప్రయత్నిస్తోంది. ప్రధానంగా రాయల్​ ఎన్​ఫీల్డ్ మెటోర్​ 350కి పోటీగా.. హోండా సీబీ350 క్రూయిజర్​ను తీసుకొస్తోంది.

హోండా సీబీ350 క్రూయిజర్​ బైక్​లో 348సీసీ సింగిల్​ సిలిండర్​ ఇంజిన్​ ఉంది. ఇది 21బీహెచ్​పీ పవర్​, 30ఎన్​ఎం టార్క్​ను విడుదల చేస్తుంది. 2023 చివరి నాటికి దీనిని ఇండియన్​ మార్కెట్​లో విడుదల చేసే అవకాశం ఉంది.

హోండా సీబీ350 క్రూయిజర్​

రాయల్​ ఎన్​ఫీల్డ్​ బాబర్​ 350
Royal Enfield Bobber 350 : క్లాసిక్​ 350 ఆధారంగా రూపొందించిన బాబర్​ 350 డిజైన్​ చాలా యూనిక్​గా ఉంది. ఇటీవల లీక్​ అయిన దృశ్యాలు దీనిని ధ్రువీకరిస్తున్నాయి. దీనిలో సరికొత్త ఏప్​ హ్యాంగర్​ టైప్​ హ్యాండిల్​ బార్​, రౌండ్​ హెడ్​ల్యాంప్​, టియర్​డ్రాప్​ డిజైన్​ ప్యూయల్​ ట్యాంక్, డ్యూయెల్ స్ల్పిట్​ ఫ్లోటింగ్​ సీట్​, నంబర్​ ప్లేట్​తో కూడిన టైర్​ హగ్గర్​ ఉన్నాయి.

ఈ రాయల్​ ఎన్​ఫీల్డ్​ బాబర్​ 350లో 349సీసీ జే-సిరీస్​ సింగిల్​ సిలిండర్​ ఇంజిన్ ఉంది. ఈ బైక్​ను ఈ ఏడాది చివరి నాటికి భారత మార్కెట్​లో విడుదల చేసే అవకాశం ఉంది.

రాయల్​ ఎన్​ఫీల్డ్​ బాబర్​ 350

ట్రయంఫ్ స్క్రాంబ్లర్ 400 ఎక్స్​
Triumph Scrambler 400X : 2023 అక్టోబర్ నెలలో ఈ బైక్ లాంఛ్​ కానుంది.​ దీనిలో లాంగర్​ వీల్​బేస్, హైయ్యర్​ గ్రౌండ్​ క్లియరెన్స్​, లాంగర్​ ట్రావెల్​ సస్పెన్షన్​ ఉన్నాయి. స్క్రాంబ్లర్​ 900, 1200 బైక్​ల డిజైన్​ను పోలీ ఉన్న ఈ బైక్..​ ధర విషయంలోనూ వాటికి పోటీగా నిలుస్తుందని అంచనా.

ట్రయంఫ్ స్క్రాంబ్లర్ 400 ఎక్స్​

న్యూ జెన్​ కేటీఎం 390 డ్యూక్​
New-Gen KTM 390 Duke : మూడో తరం కేటీఎమ్​ 390 డ్యూక్​ 2024 మొదట్లో భారత్​ మార్కెట్​లోకి వచ్చే అవకాశం ఉంది. దీనిలో 399సీసీ లిక్విడ్​ కూల్డ్ ఇంజిన్​ ఉంది. ఇది 373సీసీ మోటార్​ ఇంజిన్​ కంటే ఎక్కువ పవర్​, టార్క్​ను ఉత్పత్తి చేస్తుంది.

న్యూ జెన్​ కేటీఎం 390 డ్యూక్​

రాయల్​ ఎన్​ఫీల్డ్​ హంటర్​ 450 :
Royal Enfield Hunter 450 : ఈ రాయల్​ ఎన్​ఫీల్డ్ బైక్​.. ఇంచుమించు హిమాలయన్​ 450 లానే ఉంటుంది. దీనిని ప్రత్యేకంగా ట్రయంఫ్​ స్పీడ్ 400కి పోటీగా తీసుకొస్తున్నట్లు మార్కెట్ వర్గాలు అంచనా వేస్తున్నాయి. దీని ధర దాదాపు రూ.2.4 లక్షలు (ఎక్స్​-షోరూం) ఉండే అవకాశం ఉంది. దీనిని 2024 ప్రథమార్ధంలో విడుదల చేసే అవకాశం ఉంది.

రాయల్​ ఎన్​ఫీల్డ్​ హంటర్​ 450

హీరో 440 సీసీ బైక్​
Hero 440 cc Bike : హార్లీ-డేవిడ్సన్​ భాగస్వామ్యంతో ఈ లేటెస్ట్​ హీరో బ్రాండ్​ మోటర్​ సైకిల్​ రానుంది. దీనిని 2024 మార్చిలో లాంఛ్​ చేయడానికి హీరో మోటోకార్ప్​ సన్నాహాలు చేస్తోంది. దీని పవర్​ క్రూయిజర్​ను యమహా ఎమ్​టీ-01 ఇన్​స్పిరేషన్​తో రూపొందించారు. హీరో 440సీసీ బైక్​లో 440సీసీ సింగిల్​ సిలిండర్​ ఎయిర్​ అండ్​ ఆయిల్​ కూల్డ్​ ఇంజిన్​ ఉంటుంది. ఇది 27బీహెచ్​పీ పవర్​, 38 ఎన్​ఎం టార్క్​ను ప్రొడ్యూస్​ చేస్తుంది.

హీరో 440 సీసీ బైక్​

ఇవీ చదవండి :