'రోజుకు 10 లక్షల స్పామ్​​ అకౌంట్లు తొలగిస్తున్నాం​'​

Twitter spam accounts: నకిలీ ఖాతాల తొలగింపుపై ట్విట్టర్​ కీలక వ్యాఖ్యలు చేసింది. రోజుకు 10 లక్షల స్పామ్​ అకౌంట్లను తొలగిస్తున్నట్లు మైక్రో బ్లాగింగ్​ సంస్థ వెల్లడించింది. రోజువారీ యాక్టివ్​ యూజర్లలో స్పామ్​ అకౌంట్ల సంఖ్య 5 శాతం కన్నా తక్కువే ఉంటోందని స్పష్టం చేసింది.

Twitter spam accounts: స్పామ్​ అకౌంట్లపై ట్విట్టర్​ ఎలాంటి చర్యలు చేపట్టట్లేదని ఆరోపణలు వస్తున్న నేపథ్యంలో సోషల్​ మీడియా దిగ్గజం కీలక వ్యాఖ్యలు చేసింది. తాము రోజుకు 10 లక్షల నకిలీ ఖాతాలను తొలగిస్తున్నట్లు వెల్లడించింది. ఎగ్జిక్యూటివ్​లతో గురువారం జరిగిన సమావేశంలో ఈ విధంగా పేర్కొంది. నకిలీ ఖాతాలపై ట్విట్టర్​ ఎలాంటి చర్యలు చేపట్టలేదంటూ దిగ్గజ వ్యాపార వేత్త ఎలాన్​ మస్క్​ ఆరోపణల నేపథ్యంలో ట్విట్టర్​ ప్రకటనకు ప్రాధాన్యం సంతరించుకుంది.

కొన్ని వారాల క్రితం 44 బిలియన్​ డాలర్లకు సంస్థను కొనుగోలు చేసేందుకు ముందుకు వచ్చిన మస్క్​.. ట్విట్టర్​లోని నకిలీ ఖాతాలపై నియంత్రణ లేదన్నారు. రోజువారీ యాక్టివ్​ యూజర్లలో స్పామ్​ అకౌంట్ల సంఖ్య 5 శాతం కన్నా తక్కువ ఉంటేనే కొనుగోలుకు అంగీకరిస్తానని మస్క్ పేర్కొన్నారు. ఈ వ్యాఖ్యలపై తాజాగా స్పందించిన ట్విట్టర్​ స్పామ్​ అకౌంట్ల సంఖ్య 5 శాతం కన్నా తక్కువే ఉందని స్పష్టం చేసింది. మరోవైపు ఇప్పటికే మస్క్​ సంస్థను కొనుగోలు చేయడంపై ట్విట్టర్​ వాటాదార్లు ఏకగ్రీవంగా ఆమోదం తెలిపారు.

ఇదీ చూడండి :విదేశీ విద్యపై డాలర్​ దెబ్బ.. భారీగా క్షీణించిన రూపాయి విలువ