TVS Motor Bike Launch :టీవీఎస్ మోటార్ కంపెనీ భారత మార్కెట్లో మరో సరికొత్త బైక్ను లాంఛ్ చేసింది. టీవీఎస్ రైడర్ సూపర్ స్క్వాడ్ ఎడిషన్ బైక్ను మార్వెల్ సూపర్ హీరోస్.. బ్లాక్ పాంథర్, ఐరెన్ మ్యాన్ పాత్రల ప్రేరణతో రూపొందించడం జరిగింది.
టీవీఎస్ రైడర్ సూపర్ స్క్వాడ్ ఎడిషన్ ఫీచర్స్
TVS Raider Super Squad Edition : ఈ బైక్లో 124.8సీసీ ఎయిర్-కూల్డ్ పెట్రోల్ ఇంజిన్ ఉంది. ఇది 7,500 ఆర్పీఎం వద్ద 11.2 పీహెచ్పీ పవర్; 6,000 ఆర్పీఎం వద్ద 11.2 ఎన్ఎం టార్క్ను ఉత్పత్తి చేస్తుంది. ఈ ఇంజిన్ 5 స్పీడ్ గేర్బాక్స్ అనుసంధానంతో పనిచేస్తుంది.
టీవీఎస్ మోటార్.. రైడర్ సూపర్ స్క్వాడ్ ఎడిషన్ బైక్ ఇంధన సామర్థ్యాన్ని పెంచేందుకు.. సైలెంట్ మోటార్ స్టార్టర్తో పాటు, ఐడ్లింగ్ స్టాప్-స్టార్ట్ సిస్టమ్ను వినియోగించింది. టీవీఎస్ రైడర్ సూపర్ స్క్వాడ్ ఎడిషన్ మోటార్ సైకిల్లో ట్యూబ్ లెస్ టైర్లు ఉన్నాయి. ఈ బైక్ 17 అంగుళాల అల్లాయ్ వీల్స్ కలిగి ఉండి.. ముందు భాగంలో 80/100 టైర్, వెనుక భాగంలో 100/90 టైర్ కలిగి ఉంది.
కలర్ వేరియంట్స్
TVS Raider Super Squad Edition Color Variants : టీవీఎస్ ఈ నయా బైక్లను మార్వెల్ సూపర్ హీరోస్ పాత్రల ప్రేరణతో రూపొందించింది. బ్లాక్ పాంథర్ పాత్ర ప్రేరణతో నలుపు రంగు బైక్, ఐరెన్ మ్యాన్ పాత్ర ప్రేరణతో ఎరుపు రంగు బైక్ను రూపొందించడం జరిగింది. అయితే ఇది టీవీఎస్ కంపెనీకి కొత్తేమీ కాదు. గతంలోనూ టీవీఎస్.. థోర్, ఐరన్మ్యాన్, బ్లాక్ పాంథర్, స్పైడర్మ్యాన్ లాంటి మార్వెల్ హీరోస్ ప్రేరణతో నాలుగు కలర్ వేరియంట్స్ గల ఎన్టార్క్ 125 స్కూటర్లను మార్కెట్లోకి తీసుకొచ్చింది.
టీవీఎస్ రైడర్ సూపర్ స్క్వాడ్ ఎడిషన్ ధర
TVS Raider Super Squad Edition Price : టీవీఎస్ టీవీఎస్ రైడర్ సూపర్ స్క్వాడ్ ఎడిషన్ ధర దిల్లీలో రూ.98,919 (ఎక్స్-షోరూం ధర)గా ఉంది. ఇది భారతదేశంలోని అన్ని టీవీఎస్ మోటార్ టచ్పాయింట్స్లో అందుబాటులో ఉంటుంది.
