టయోటా కిర్లోస్కర్ వైస్‌-ఛైర్మన్‌ విక్రమ్‌ కిర్లోస్కర్ (64) కన్నుమూశారు. మంగళవారం సాయంత్రం ఆయన గుండెపోటుతో మరణించినట్లు కంపెనీ ఓ ప్రకటనలో తెలిపింది. ఆయనకు భార్య గీతాంజలి కిర్లోస్కర్, కూతురు మనాసి కిర్లోస్కర్ ఉన్నారు. బుధవారం మధ్యాహ్నం 1 గంటకు బెంగళూరులోని హెబ్బల్‌ శ్మశానవాటికలో ఆయన అంత్యక్రియలు జరగనున్నాయి.
ప్రముఖ వ్యాపారవేత్త విక్రమ్‌ కిర్లోస్కర్ గుండెపోటుతో కన్నుమూత - టయోటా కిర్లోస్కర్ వైస్‌ ఛైర్మన్‌ మృతి
ప్రముఖ వ్యాపారవేత్త విక్రమ్‌ కిర్లోస్కర్ కన్నుమూశారు. ప్రస్తుతం ఆయన టయోటా కిర్లోస్కర్ వైస్‌-ఛైర్మన్‌ కొనసాగుతున్నారు. మంగళవారం సాయంత్రం ఆయన గుండెపోటుతో మరణించారు.
ప్రముఖ వ్యాపారవేత్త విక్రమ్‌ కిర్లోస్కర్ గుండెపోటుతో కన్నుమూత
మసాచుసెట్స్‌ ఇన్‌స్టిట్యూట్‌ ఆఫ్‌ టెక్నాలజీలో విక్రమ్‌ మెకానికల్‌ ఇంజినీరింగ్‌ నుంచి గ్రాడ్యుయేషన్‌ పూర్తిచేశారు. కిర్లోస్కర్ గ్రూప్‌లో ఆయన నాలుగో తరానికి చెందినవారు. టయోటా కిర్లోస్కర్ మోటార్‌కు వైస్‌-ఛైర్మన్‌గా వ్యవహరించడంతో పాటు కిర్లోస్కర్ సిస్టమ్స్‌కు ఎండీ, ఛైర్మన్‌గానూ బాధ్యతలు నిర్వర్తించారు. సియామ్‌, సీఐఐ, ఏఆర్‌ఏఐలో ఆయన పలు కీలక పదవుల్లో పనిచేశారు.