Low Interest Home Loans : దేశంలోని ప్రభుత్వ, ప్రైవేటు రంగ బ్యాంకులన్నీ తమ వినియోగదారుల కోసం గృహ రుణాలు అందిస్తుంటాయి. అయితే ఈ రుణాలపై ఒక్కో బ్యాంక్ ఒక్కో వడ్డీ రేటును వడ్డిస్తుంటాయి. కొన్ని బ్యాంకుల అతి తక్కువ వడ్డీ రేట్లతో హోమ్ లోన్స్ను కస్టమర్స్కు అందిస్తే.. మరి కొన్నేమో భారీగా ఇంట్రెస్ట్ రేట్ను విధిస్తుంటాయి. అయితే దేశంలో అతి తక్కువ వడ్డీ రేట్లతో గృహ రుణాలు ఇస్తున్న టాప్ 5 బ్యాంకులివే..
Top Banks For Home Loan : హోమ్ లోన్స్పై అతి తక్కువ వడ్డీ వసూలు చేస్తున్న టాప్ 5 బ్యాంకులివే..
- హెచ్డీఎఫ్సీ బ్యాంక్- 8.45 శాతం నుంచి 9.85 శాతంతో గృహ రుణాలను అందిస్తోంది.
- ఇండస్ఇండ్ బ్యాంక్- 8.5 శాతం నుంచి 9.75 శాతంతో హోమ్ లోన్స్ను అందిస్తోంది.
- ఇండియన్ బ్యాంక్- 8.5 శాతం నుంచి 9.9 శాతం వడ్డీ రేట్లతో హోమ్ లోన్స్ను వినియోగదారులకు అందిస్తోంది.
- పంజాబ్ నేషనల్ బ్యాంక్- 8.6 శాతం నుంచి 9.45 శాతం వడ్డీతో గృహ రుణాలను ఇస్తోంది.
- బ్యాంక్ ఆఫ్ మహారాష్ట్ర- 8.6 శాతం నుంచి 10.3 శాతం వడ్డీ రేట్లతో గృహ రుణాలను అందిస్తోంది.
ఎస్బీఐ బంపర్ ఆఫర్.. కొద్ది రోజులు మాత్రమే..
SBI Home Loan Processing Fee : మరోవైపు గృహ రుణాలకు సంబంధించి వినియోగదారులకు శుభవార్త వినిపించింది బ్యాంకింగ్ దిగ్గజం స్టేట్ బ్యాంక్ ఆప్ ఇండియా (ఎస్బీఐ). హోమ్ లోన్స్ ప్రాసెసింగ్ ఫీజు చెల్లింపులపై 50 నుంచి 100 శాతం మేర రాయితిని అందిస్తున్నట్లు ప్రకటించింది. ఈ మాఫీ అన్ని రకాల గృహ రుణాలతో పాటు ఇతర హోమ్ లోన్‌లకూ వర్తిస్తుంది.
చివరితేదీ ఆరోజే..
SBI Home Loan Processing Fee Waiver 2023 : గృహ రుణాల ప్రాసెసింగ్ ఫీజుపై 50% మాఫీని అందిస్తోంది ఎస్బీఐ. సాధారణ గృహ రుణాలు, ఫ్లెక్సీపే హోమ్ లోన్స్, ఎన్‌ఆర్‌ఐ రుణాలు, జీతం లేని రుణాలు, ప్రివిలేజ్ లోన్‌లు సహా మరికొన్ని రకాల హౌసింగ్ లోన్స్కు ఈ రాయితీని వర్తింపజేయనున్నారు. అయితే ఈ అవకాశం కేవలం 2023, ఆగస్టు 31 వరకే అందుబాటులో ఉండనుందని తెలిపింది. ఈ నిర్ణయంతో ప్రతి వినియోగదారుడికి.. జీఎస్టీతో కలుపుకొని కనిష్ఠంగా రూ.2,000 నుంచి గరిష్ఠంగా రూ.5,000 వరకు డబ్బులు ఆదా కానున్నాయి. దీంతో పాటు టేకోవర్‌లు, రీ-సెల్లింగ్కు సిద్ధంగా ఉన్న గృహాలపై ఎటువంటి ప్రాసెసింగ్ రుసుమును తీసుకోరు. అంటే 100% మినహాయింపు లభించనుంది. అయితే ఇన్స్టా హోమ్ టాప్ అప్, రివర్స్ మార్టిగేజ్తో పాటు ఇతర గృహ రుణాలకు ఈ ప్రాసెసింగ్ ఫీజు మాఫీ వర్తించదు.
