స్టన్నింగ్ ఫీచర్స్​తో టెస్లా Cybertruck లాంఛ్​ - 547 కి.మీ డ్రైవింగ్ రేంజ్ - ధర​ ఎంతంటే?

Tesla Cybertruck Launch Details In Telugu : అమెరికాకు చెందిన ప్రముఖ ఈవీ మాన్యుఫాక్చురర్​ టెస్లా 'సైబర్​ట్రక్'​ను లాంఛ్ చేసింది. అంతేకాదు మొదటి 10 మంది కస్టమర్లకు ఈ ట్రక్​ను డెలివరీ కూడా చేసింది. బుల్లెట్​ప్రూఫ్​ బాడీతో స్టన్నింగ్ ఫీచర్స్ ఉన్న ఈ టెస్లా ట్రక్​పై ఓ లుక్కేద్దామా?

Tesla Cybertruck Launch :అపర కుబేరుడు ఎలాన్​ మస్క్ నేతృత్వంలోని టెస్లా కంపెనీ ఎట్టకేలకు అమెరికాలో 'సైబర్​ట్రక్​'ను లాంఛ్ చేసింది. అంతేకాదు మొదటి 10 మంది కస్టమర్లకు వాటిని డెలివరీ కూడా చేసేసింది.

కాస్త ఆలస్యమైంది.. కానీ
Tesla Cybertruck Details :వాస్తవానికి టెస్లా కంపెనీ నాలుగేళ్ల క్రితమే.. ఈ టోటల్ బుల్లెట్ ప్రూఫ్​ సైబర్​ట్రక్​ కాన్సెప్ట్​ను పరిచయం చేసింది. కానీ దీనిని మార్కెట్లోకి తేవడానికి చాలా సమయం తీసుకుంది. కానీ అందరి అంచనాలకు మించి... సూపర్​లుక్​తో, స్టన్నింగ్ ఫీచర్స్​తో దీనిని మార్కెట్లోకి విడుదల చేసింది.

3 వేరియంట్లలో..
Tesla Cybertruck Variants :టైస్లా ఈ సైబర్​ట్రక్​ను 3 వేరియంట్లతో అందుబాటులోకి తెచ్చింది.

1. బేస్​ లెవల్ వేరియంట్​ RWD డ్రైవ్​ట్రెయిన్​ వస్తుంది.
2. మిడ్​ స్పెక్​ వేరియంట్​ AWD డ్రైవ్​ట్రెయిన్​ కలిగి ఉంటుంది.
3. టాప్​ స్పెక్​ వేరియంట్​ అయిన సైబర్​బీస్ట్​ కూడా AWD డ్రైవ్​ట్రెయిన్​​నే కలిగి ఉంటుంది.

ప్రస్తుతానికి టెస్లా AWD డ్రైవ్​ట్రెయిన్​​, సైబర్​బీస్ట్​ వేరియంట్లను మాత్రమే డెలివరీ చేయనుంది. RWD డ్రైవ్​ట్రెయిన్ వేరియంట్​ను వచ్చే ఏడాది నుంచి డెలివరీ చేయనున్నట్లు టెస్లా తెలిసింది.

సైబర్​ట్రక్ శక్తి అద్భుతం!
Tesla Cybertruck Strength And Durability :

1. టెస్లా కంపెనీ ఈ సైబర్​ట్రక్​ ఎక్స్​టీరియర్​ను పూర్తిగా బుల్లెట్​ప్రూఫ్​గా తీర్చిదిద్దింది. దీని కోసం పూర్తిగా స్టెయిన్​లెస్ స్టీల్​ను వాడింది. టెస్లా ఈ సైబర్​ట్రక్​ శక్తిని నిరూపించేందుకు.. లాంఛ్ ఈవెంట్​లో ఒక వీడియోను డిస్​ప్లే చేసింది. దీనిలో సైబర్​ట్రక్​పై బుల్లెట్ల వర్షం కురిపించారు. కానీ ట్రక్​కు ఏమీ కాకపోవడం విశేషం.
2. సైబర్​ట్రక్ ఎంత స్ట్రాంగ్​గా ఉంటుందో చూపించడం కోసం మరో వీడియోను కూడా టెస్లా ప్రదర్శించింది. దీనిలో సైబర్​ట్రక్​.. ఒక పోర్స్చే (Porsche) 911ను లాగుతూ.. మరొక పోర్స్చే 911తో పోటీ పడుతుంది. చివరికి పోర్స్చే 911 కంటే ముందే గమ్యస్థానాన్ని చేరుకుంటుంది.
3. టెస్లా ప్రకారం, ఈ సైబర్​ట్రక్ కేవలం 11 సెకెన్ల వ్యవధిలో పావు మైలు దూరం ప్రయాణించగలదు. అలాగే ఇది డ్యూయెల్​-మోటార్​ సెటప్​తో 4.5 టన్నుల వరకు, ట్రిపుల్​-మోటార్​ సెటప్​తో 6.30 టన్నుల బరువును లాగగలదు.
   

   భారీ బరువులు లాగుతున్న టెస్లా సైబర్​ట్రక్​

సూపర్​ పెర్ఫార్మెన్స్!
Tesla Cybertruck Performance :

• సైబర్​ట్రక్​ బేస్ లెవెల్​ వేరియంట్​ డ్రైవింగ్ రేంజ్​ 402 కి.మీ. ఇది కేవలం 7 సెకెన్ల కంటే తక్కువ వ్యవధిలోనే గంటకు 0 కి.మీ నుంచి 100 కి.మీ వేగాన్ని పుంజుకోగలదు.
• సైబర్​ట్రక్​ మిడ్​-స్పెక్​ వేరియంట్​ డ్రైవింగ్ రేంజ్​ 547 కి.మీ. ఇది కేవలం 4 సెకెన్ల కంటే తక్కువ వ్యవధిలోనే గంటకు 0 కి.మీ నుంచి 100 కి.మీ వేగాన్ని అందుకుంటుంది. అలాగే గరిష్ఠంగా 600 bhp పవర్​ను జనరేట్ చేస్తుంది.
• సైబర్​ట్రక్​ టాప్​-స్పెక్​​ వేరియంట్ సైబర్​బీస్ట్​​ డ్రైవింగ్ రేంజ్​ 514 కి.మీ. ఇది కేవలం 2.6 సెకెన్ల వ్యవధిలోనే గంటకు 0 కి.మీ నుంచి 100 కి.మీ వేగాన్ని అందుకుంటుంది. అలాగే గరిష్ఠంగా 845 bhp పవర్​ను జనరేట్ చేస్తుంది.
  

  నీటిలో దూసుకుపోతున్న టెస్లా సైబర్​ట్రక్​
  

  ఎడారిలో దూసుకెళ్తున్న టెస్లా సైబర్​ట్రక్​

టెస్లా సైబర్​ట్రక్ ఇంటీరియర్​
Tesla Cybertruck Interior : టైస్లా సైబర్​ట్రక్ లోపలి భాగంలో రెండు టచ్​స్క్రీన్​ డిస్​ప్లేలను అమర్చారు. ఒకటి ముందు భాగంలో, మరొకటి వెనుక భాగంలో ఉంటాయి. ముందటి టచ్​స్క్రీన్​ 18.5 అంగుళాలు ఉంటుంది. వెనుక ఉండే టచ్​స్క్రీన్​ 9.4 అంగుళాలు ఉంటుంది.

టెస్లా సైబర్​ట్రక్ ఫ్రంట్​ టచ్​స్క్రీన్​

టెస్లా సైబర్​ట్రక్ రియర్​​ టచ్​స్క్రీన్​

టెస్లా సైబర్​ట్రక్​ - ధర
Tesla Cybertruck Price : టెస్లా అధినేత ఎలాన్ మస్క్​ గతంలో ఈ సైబర్​ట్రక్ ధర సుమారుగా 40,000 డాలర్ల వరకు ఉంటుందని పేర్కొన్నారు. కానీ నేడు టెస్లా దాని ధరను భారీగా పెంచేసింది. ముఖ్యంగా సైబర్​ట్రక్​ మూడు వేరియంట్ల ధరలను 60,990 డాలర్ల నుంచి 99,990 డాలర్ల రేంజ్​లో ఉంచింది. ఇండియన్ కరెన్సీలో చూసుకుంటే వీటి ధర సుమారుగా రూ.50.82 లక్షల నుంచి రూ.83.30 లక్షల రేంజ్​లో ఉంటుంది.

టెస్లా సైబర్​ట్రక్​