TATA Nexon EV Max: వినియోగదారులు ఎంతోకాలంగా ఎదురుచూస్తున్న నెక్సాన్ ఈవీ మ్యాక్స్ మోడల్ను బుధవారం మార్కెట్లోకి విడుదల చేసింది టాటా. రెండు వేరియంట్లలో అందుబాటులో ఉన్న ఈ విద్యుత్ వాహనం ప్రారంభ ధర(ఎక్స్షోరూం) రూ.17.74లక్షలు. దీన్ని ఒక్కసారి ఛార్జ్ చేస్తే 430కి పైగా కిలోమీటర్లు ప్రయాణించవచ్చని సంస్థ తెలిపింది. మరి దీని ఫీచర్లు, ప్రత్యేకలు ఏంటో ఇప్పుడు చూద్దాం.
- ప్రస్తుతం అందుబాటులో ఉన్న నెక్సాన్ ఈవీకి మరిన్ని ఫీచర్లు జతచేసి నెక్సాన్ ఈవీ మ్యాక్స్ను రూపొందించింది టాటా. దీన్ని ఒక్కసారి ఫుల్ ఛార్జ్ చేస్తే 437 కిలోమీటర్ల వరకు ప్రయాణిస్తుంది. నెక్సాన్ ఈవీ కంటే ఇది 125 కిలోమీటర్లు అధికం కావడం గమనార్హం.
- నెక్సాన్ ఈవీ మ్యాక్స్ 40.5kWh బ్యాటరీ సామర్థ్యంతో వస్తోంది. రెగ్యులర్ నెక్సాన్ ఈవీలో ఇది 30.2kWhకే పరిమితమైంది.
- ఈ సరికొత్త ఈవీలో బ్యాటరీతోపాటు పర్మనెంట్ మాగ్నెట్ సింక్రోనస్ మోటర్ను కూడా అప్డేట్ చేశారు. 141 హెచ్పీ 250Nm సామర్థ్యంతో అధునాతన నెక్సాన్ ఈవీ మ్యాక్స్ను తీర్చిదిద్దారు. టాటా నెక్సాన్ ఈవీ మ్యాక్స్
- ఈ విద్యుత్ వాహనంలో 3.3kWh ఆన్ బోర్డ్ పోర్టబుల్ ఛార్జర్ ఉంటుంది. అయితే మరో రూ.50వేలు అదనంగా చెల్లిస్తే 7.2kWh ఏసీ ఫాస్ట్ ఛార్జర్ పొందవచ్చు.
- నెక్సాన్ ఈవీ మ్యాక్స్ సాధారణ రెగ్యుల్ ఛార్జర్తో ఛార్జ్ చేస్తే బ్యాటరీ ఫుల్ కావడానికి 16 గంటలు పడుతుంది. ఫాస్ట్ ఛార్జర్తో అయితే ఆరున్నర గంటలు పడుతుంది. కానీ 50kWh ఛార్జర్తో ఛార్జ్ చేస్తే మాత్రం 56 నిమిషాల్లోనే బ్యాటరీ ఫుల్ అవుతుంది.
- నెక్సాన్ ఈవీ మ్యాక్స్ ను XZ+, XZ+ Lux అనే రెండు వేరియంట్లలో అందుబాటులోకి తెచ్చారు. సిగ్నేచర్ ఇంటన్సి టీల్, డయాటోనా గ్రే, ప్రిస్టైన్ వైట్ వంటి కొత్త రంగుల్లో తీసుకొచ్చారు.
- అన్ని వీల్స్కు డిస్క్ బ్రేక్లు, ఎలక్ట్రానిక్ పార్కింగ్ బ్రేక్ విత్ ఆటో హోల్డ్, వైర్లెస్ స్మార్ట్ఫోన్ ఛార్జర్, ఇల్యుమినేటెడ్ డ్రైవ్ మోడ్ సెలక్టర్ నాబ్ వంటి ప్రత్యేక ఫీచర్లున్నాయి.
- ఎయిర్ ప్యూరిఫయర్, ఎలక్ట్రిక్ సన్రూఫ్, సరికొత్త ఇంటీరియర్, ఫ్రంట్ సీట్లకు వెంటిలేటర్ సదుపాయం, ఆటో డిమ్మింగ్ ఐఆర్వీఎం వంటి ఇతర సదుపాయాలున్నాయి.
- టాటా నెక్సాన్ ఈవీ XZ+ ప్రారంభ ధరూ రూ.17.74లక్షలు. XZ+ Lux ప్రారంభ ధర రూ.19.24లక్షలు. టాటా నెక్సాన్ ఈవీ మ్యాక్స్