15:36 June 03
సెన్సెక్స్ 49 పాయింట్లు, నిఫ్టీ 44 పాయింట్లు మైనస్
స్టాక్ మార్కెట్లు గురువారం సెషన్ను నష్టాలతో ముగించాయి. ఉదయం లాభాలతో ప్రారంభమైన సూచీలు.. అంతర్జాతీయ ప్రతికూలతలు, యూరోపియన్ మార్కెట్ల ప్రభావంతో చివరికి స్వల్ప నష్టాలతో సరిపెట్టుకున్నాయి. సెన్సెక్స్ 49 పాయింట్లు కోల్పోయి.. 55,769 పాయింట్ల వద్ద స్థిరపడింది. అలాగే నిఫ్టీ 44 పాయింట్లు తగ్గి.. 16,584 పాయింట్ల వద్ద ముగిసింది.
09:26 June 03
వరుసగా రెండో సెషన్లో స్టాక్ మార్కెట్ల జోరు.. సెన్సెక్స్ 400 ప్లస్
Stock Market Live Updates: దేశీయ స్టాక్ మార్కెట్ సూచీలు వరుసగా రెండో సెషన్లో లాభాల్లో ప్రారంభమయ్యాయి. బొంబాయి స్టాక్ ఎక్స్చేంజి సూచీ సెన్సెక్స్ 540 పాయింట్లకుపైగా పెరిగి.. 56 వేల 350 ఎగువవ ట్రేడవుతోంది. జాతీయ స్టాక్ ఎక్స్చేంజి సూచీ నిఫ్టీ 135 పాయింట్ల లాభంతో 16 వేల 760 ఎగువన కొనసాగుతోంది. హెవీవెయిట్ రిలయన్స్ ఇండస్ట్రీస్ సహా ఐటీ షేర్లు రాణిస్తుండటం మార్కెట్ల లాభాలకు ప్రధాన కారణంగా నిపుణులు విశ్లేషిస్తున్నారు. విప్రో, హెచ్సీఎల్ టెక్, ఇన్ఫోసిస్, టెక్ మహీంద్రా, రిలయన్స్ జోరుమీదున్నాయి. శ్రీసిమెంట్స్, అపోలో హాస్పిటల్స్, అల్ట్రాటెక్ సిమెంట్, బ్రిటానియా ఇండస్ట్రీస్, గ్రేసిమ్ నష్టపోయాయి. గత సెషన్లో సెన్సెక్స్ 437, నిఫ్టీ 105 పాయింట్ల మేర లాభపడ్డాయి.