Second Hand Car Buying Tips :మనలో చాలా మందికి కొత్త కారు కొనుక్కోవాలని ఆశ ఉంటుంది. కానీ అందుకు తగినంత స్తోమత ఉండదు. అందుకే కనీసం మంచి కండీషన్లో ఉన్న పాత కారు అయినా కొనుక్కోవాలని ఆశపడుతూ ఉంటాం. ప్రాక్టీస్ కోసం కొందరు, కుటుంబ అవసరాల కోసం, వ్యక్తిగత ప్రాధాన్యాల కోసం మరికొందరు, ఇలా రకరకాల కారణాలతో పాత కారు కొనుగోలు చేయాలని నిర్ణయించుకుంటాం. వాస్తవం చెప్పాలంటే, పాత కార్లు చాలా చౌకగా లభిస్తాయి. కానీ ఇందులో రిస్క్ కూడా ఉంటుంది. అందుకే సెకండ్ హ్యాండ్ కారు కొనేముందు కచ్చితంగా తీసుకోవాల్సిన జాగ్రత్తలు గురించి ఇప్పుడు తెలుసుకుందాం.
మీ బడ్జెట్ను ముందే నిర్ణయించుకోవాలి
పాత కారును కొనడానికి ఎంత బడ్జెట్ కేటాయించాలో ముందే ఓ నిర్ణయానికి రావాలి. దీని వల్ల ఓవర్ బడ్జెట్ కాకుండా మిమ్మల్ని మీరు నియంత్రించుకోగలుగుతారు.
రీసెర్చ్ చేయాలి
మీరు బడ్జెట్ను నిర్ణయించుకున్నాక, ఏ కంపెనీ, ఏ మోడల్ కారు బాగుంటుందో రీసెర్చ్ చేయాలి. అలాగే మార్కెట్లోని సెకండ్ హ్యాండ్ వాహనాలపై రివ్యూలు చదవాలి. ధరలను పోల్చిచూడాలి.
టెస్ట్ డ్రైవ్ చేయాలి
Test Drive Before Buying Used Car :పాత కారు కొనేముందు కచ్చితంగా టెస్ట్ డ్రైవ్ చేసి తీరాలి. సస్పెన్షన్ ఎలా ఉంది. వాహనం నడుపుతున్నప్పుడు ఏమైనా ఇబ్బందికరమైన శబ్దాలు, వైబ్రేషన్స్ వస్తున్నాయేమో చూడాలి. అలాగే కారు ఎలాంటి జర్క్లు లేకుండా నడుస్తోందా లేదా పరిశీలించాలి. స్టీరింగ్, బ్రేక్స్ బాగా పనిచేస్తున్నాయో లేదో చూసుకోవాలి.
కారు పార్టులన్నీ చెక్ చేయాలి
సాధారణంగా ఏదో ఒక లోపం లేకపోతే కారును ఎవరూ అమ్మరు. అందువల్ల కారు మోడల్, దానిలోని పార్ట్స్ అన్నీ సక్రమంగా పనిచేస్తున్నాయో, లేదో చూడాలి. కారులోని సేఫ్టీ ఫీచర్స్ అన్నీ సరిగ్గా ఉన్నాయో లేదో పరీక్షించాలి. అలాగే కారు వెలుపలి భాగంలో ఏమైనా డ్యామేజ్ అయ్యిందో లేదో చూసుకోవాలి. అలాగే కారు మీద ఎలాంటి గీతలుగానీ, సొట్టలు గానీ ఉన్నాయేమో పరిశీలించాలి.
మెకానిక్తో టెస్ట్ చేయించాలి
Used Car Mechanic Inspection : మనం ఎంతగా పరీక్షించినప్పటికీ పాత కారు కొనేముందు కచ్చితంగా ఓ అనుభవజ్ఞుడైన మెకానిక్తో ఇన్స్పెక్షన్ చేయించడం చాలా మంచిది. ఎందుకంటే మనకు తెలియని ఎన్నో అంతర్గత సమస్యలు మెకానిక్లకు తెలుస్తాయి.
డాక్యుమెంట్ వెరిఫికేషన్ తప్పనిసరి
Used Car Buying Documents : అన్నికంటే ముఖ్యమైన విషయం పాత కారు కొనేముందు అన్ని డాక్యుమెంట్స్ సరిగ్గా ఉన్నాయో? లేదో? చూసుకోవాలి. ప్రధానంగా న్యాయపరంగా ఎలాంటి సమస్యలు రాకుండా చూసుకోవాల్సి ఉంటుంది. కింద పేర్కొన్న డాక్యుమెంట్స్ అన్నింటినీ కచ్చితంగా పరిశీలించాలి.
- రిజిస్ట్రేషన్ సర్టిఫికెట్ (ఆర్సీ) : ఈ ఆర్సీ వల్ల కారుకు సంబంధించి నిజమైన, చట్టబద్ధమైన యజమాని ఎవరో తెలుస్తుంది. మరో ముఖ్యమైన విషయం ఏమిటంటే, అమ్మే వ్యక్తి చూపించిన ఆర్సీ నిజమైనదా లేదా ఫేక్ డాక్యుమెంటా అనేది కూడా చూసుకోవాలి. ఒక వేళ మీరు డీలర్ వద్ద కొంటే, ఆర్సీ డీలర్ పేరు మీద ఉందో లేదో చూసుకోవాలి. ఒక వేళ మీరు కొంటున్న కారు మరీ పాతదైనా, లేదా థర్డ్ హ్యాండ్ అయినా, దాని ధర చాలా తక్కువగా ఉంటుందని గుర్తించాలి.
- వీఐఎన్ అండ్ ఇంజిన్ నంబర్స్ : వాహనంపై ఉన్న ఇంజిన్ నంబర్, ఆర్సీలో ఉన్న ఇంజిన్ నంబర్ ఒకటేనా లేదా అనేది కూడా కచ్చితంగా చూడాలి. అలాగే కారుకు సంబంధించిన వీఐఎన్ నంబర్ ఇన్సూరెన్స్ డాక్యుమెంట్లో ఉందో లేదో చెక్ చేసుకోవాలి.
- ఇన్సూరెన్స్ : చట్టబద్ధంగా డ్రైవింగ్ చేయాలంటే కచ్చితంగా చెల్లుబాటులో ఉన్న ఇన్సూరెన్స్ ఉండాలి. మీరు కారు కొన్న కనీసం 3 వారాల వరకు ఆ ఇన్సూరెన్స్ పనిచేసేలా ఉండాలి. కానీ మీరు పాతకారు కొన్న వెంటనే మీ పేరు మీద ఆ ఇన్సూరెన్స్ను ట్రాన్స్ఫర్ చేసుకోవడం ఎంతైనా మంచిది. ఒక వేళ అది వీలుకాకపోతే, కొత్త ఇన్సూరెన్స్ తీసుకోవాలి.
- సర్వీస్ హిస్టరీ : కారు సర్వీస్ బుక్ను కచ్చితంగా చూడాలి. ఇది పాత యాజమాని కారును ఎంత చక్కగా మెయింటేన్ చేశాడో తెలియజేస్తుంది. రెగ్యులర్గా కారును సర్వీస్ చేసి ఉంటే, కారును జాగ్రత్తగా చూసుకున్నట్లు అర్థం చేసుకోవచ్చు. కానీ ఇక్కడ కూడా పాత యజమాని చూపించిన సర్వీస్ బుక్ నిజమైనదా లేదా ఫేక్దా అని చూసుకోవాల్సి ఉంటుంది.
- రోడ్ టాక్స్ సర్టిఫికెట్ : సాధారణంగా రోడ్ టాక్స్ అనేది కొత్త కారు కొనేముందు చేసే సింగిల్ టైమ్ పేమెంట్. కనుక కచ్చితంగా ఇది పాతయజమాని దగ్గర ఉండి తీరాలి. ఒక వేళ అతని వద్ద రోడ్ టాక్స్ సర్టిఫికెట్ లేకపోతే కారు కొనకపోవడమే మంచిది. ఎందుకంటే కారుపై ఎలాంటి టాక్స్ బకాయిలు ఉన్నా ఈ రోడ్ టాక్స్ సర్టిఫికెట్ ద్వారా మనకు తెలిసిపోతుంది. ఇది లేకపోతే, తరువాత ఆ భారం మీకు చుట్టుకుంటుంది.
- పొల్యూషన్ అండర్ కంట్రోల్ సర్టిఫికెట్ : దీని ద్వారా కారు ఇంజిన్ కండిషన్, ఎమిషన్ లెవల్స్ మీకు తెలుస్తాయి.
- లోన్ నో-అబ్జెక్షన్ సర్టిఫికెట్ (ఎన్ఓసీ) :ఒక వేళ కారు యజమాని లోన్పై కారు కొనుగోలు చేసి ఉంటే, దానిని క్లియర్ చేసిన తరువాతనే, మీకు అమ్మాల్సి ఉంటుంది. ఈ విషయం మీకు లోన్ నో-అబ్జెక్షన్ సర్టిఫికెట్ ద్వారా తెలుస్తుంది.
బేరం ఆడాల్సిందే!
ఒక సారి పాతకారు కొందామని డిసైడ్ అయిన తరువాత కచ్చితంగా యజమానితో బేరం అడాలి. కారు ధర తగ్గించమని ఆడిగే విషయంలో ఎలాంటి మొహమాటాలు పడకూడదు.
పాత కార్లు ఎక్కడ కొంటే మంచిది?
- ప్రైవేట్ సెల్లర్స్ :ఆన్లైన్లో లేదా క్లాసిఫైడ్ యాడ్స్ ద్వారా మీరు ప్రైవేట్ సెల్లర్స్ను సంప్రదించవచ్చు. ఈ విధానంలో తక్కువ రేటుకే కారు లభించవచ్చు. కానీ రిస్క్ మాత్రం చాలా ఎక్కువగానే ఉంటుంది. కనుక, పాత కారు కొనే ముందే అన్ని అంశాలు పరిశీలించుకోవడం చాలా మంచిది.
- పాత కార్లు అమ్మే డీలర్స్ : మార్కెట్లో పాత కార్లు అమ్మే డీలర్లు చాలా మంది ఉంటారు. వీరి దగ్గర చాలా మోడల్స్ కూడా ఉంటాయి. మరీ ముఖ్యంగా వీరు కొన్ని సార్లు వారంటీ కూడా ఇస్తారు. కానీ ప్రైవేట్ సెల్లర్ల దగ్గర కంటే, ఈ డీలర్ల వద్ద కార్ల ధరలు కాస్త ఎక్కువగానే ఉంటాయి.
- ఆన్లైన్ మార్కెట్ ప్లేసెస్ : ఈ-బే లాంటి ఈ కామర్స్ వెబ్సైట్లు దేశంలో అమ్మకానికి ఉన్న పాత కార్లు అన్నింటినీ చూసుకునే అవకాశం కల్పిస్తాయి. మంచి కార్లు, యూనిక్ కార్లు గురించి తెలుసుకోవడానికి ఇది బాగా ఉపకరిస్తుంది. కానీ ఆన్లైన్లో చూసినదానికి, నిజమైన దానికి చాలా వ్యత్యాసం ఉండే అవకాశం ఉంది. అందువల్ల కొనేముందు చాలా జాగ్రత్తలు తీసుకోవాలి.
గమనిక :పాత కారు కొనడం వల్ల చాలా వరకు డబ్బు ఆదా అవుతుంది. కానీ ఇందులో రిస్క్ కూడా ఉంటుంది. కనుక సరైన అనుభవం ఉన్న నిఫుణుల సలహాల మేరకు పాత కారు కొనుగోలు చేయడం ఉత్తమం.
రూ.10 లక్షల బడ్జెట్లో మంచి కారు కొనాలా? టాప్-10 ఆప్షన్స్ ఇవే!
ఎలక్ట్రిక్ కార్స్, బైక్స్ వాడుతున్నారా? శీతాకాలంలో ఈ జాగ్రత్తలు పాటించడం తప్పనిసరి!
