Recurring Deposit SBI Vs Post Office : పోస్టాఫీస్ X SBI.. ప్రతినెల డబ్బులు దాచుకునేందుకు ఏది బెస్ట్?

Recurring Deposit SBI vs Post Office : నెలనెల తక్కువ మొత్తంలో డబ్బును జమ​ చేస్తూ.. ఎక్కువ సొమ్మును కూడగట్టుకునేందుకు రికరింగ్​ డిపాజిట్లు తోడ్పడతాయి. అయితే రికరింగ్​ డిపాజిట్లపై ఒక్కో బ్యాంక్​ ఒక్కొ విధంగా వడ్డీలు చెల్లిస్తోంది.ఈ నేపథ్యంలోనే ఎస్​బీఐ, పోస్టాఫీస్​.. చెల్లించే వడ్డీరేట్లపై తేడాలు తెలుసుకుందాం.

Recurring Deposit SBI vs Post Office : పెట్టుబడులపై మంచి వడ్డీలు పొందేందుకు రికరింగ్ డిపాజిట్లు అనేవి ఓ అనువైన మార్గంగా చెప్పవచ్చు. ప్రతినెలా తక్కువ మొత్తంలో డబ్బును జమ​ చేస్తూ.. ఎక్కువ సొమ్మును కూడగట్టుకునేందుకు ఈ డిపాజిట్లు దోహదపడతాయి. దేశ వ్యాప్తంగా పేరు మోసిన బ్యాంకులన్నీ రికరింగ్​ డిపాజిట్ల సౌకర్యాన్ని అందిస్తున్నాయి. ఎస్​బీఐ, పోస్టాఫీస్​.. రికరింగ్​ డిపాజిట్లపై ఇచ్చే వడ్డీ రేట్ల గురించి ఇప్పుడు తెలుసుకుందాం.

Recurring Deposit Features : రికరింగ్​ డిపాజిట్ల ఫీచర్లు..

1. ప్రజల్లో పొదుపును ప్రోత్సహించేందుకు ఈ రికరింగ్​ డిపాట్లను ప్రవేశపెట్టారు.
2. కేవలం చిన్న మొత్తాలతో ఆరు నెలల నుంచి 10 ఏళ్ల వరకు ఈ డిపాజిట్లలో పెట్టుబడులు పెట్టొచ్చు.
3. తనకు అనుకూలమైన కాల వ్యవధిని ఖాతాదారు ఎంచుకోవచ్చు.
4. రికరింగ్​ డిపాజిట్​ అకౌంట్​.. సుమారు​ 30 రోజుల నుంచి మూడు నెలల వరకు లాక్-ఇన్ పీరియడ్​ను కలిగి ఉంటుంది. ఇది సంబంధిత బ్యాంకును బట్టి ఉంటుంది.

ఎస్​బీఐ రికరింగ్​ డిపాజిట్లు..
SBI Rd Interest Rate 2023 : ఏడాది నుంచి పది సంవత్సరాల కాల వ్యవధి వరకు రికరింగ్​ డిపాజిట్లను స్వీకరిస్తుంది ఎస్​బీఐ. ప్రతినెల కనీసం వంద రూపాయలు జమ చేయాల్సి ఉంటుంది. తరువాత ఆ మొత్తానికి పది రూపాయలను జోడిస్తూ చెల్లించాలి. రికరింగ్​ డిపాజిట్లపై సగటున సాధారణ ప్రజలకు 6.5 నుంచి 7 శాతం వడ్డీని చెల్లిస్తుంది ఎస్​బీఐ. సీనియర్​ సిటీజన్లకు మాత్రం.. 7 నుంచి 7.5శాతం వరకు వడ్డీని అందిస్తుంది. 2023 ఫిబ్రవరి 15 నుంచి ఈ వడ్డీ రేట్లు అందుబాటులోకి వచ్చాయి.

ఎస్​బీఐ రికరింగ్​ డిపాజిట్​ రేట్లు

కాల వ్యవధి	సాధారణ ప్రజలు	సీనియర్​ సిటీజన్లు
ఏడాది నుంచి 2ఏళ్లు	6.80శాతం	7.30 శాతం
2 నుంచి 3ఏళ్ల లోపు	7 శాతం	7.50 శాతం
3 నుంచి 5ఏళ్ల లోపు	6.50 శాతం	7 శాతం
5 నుంచి 10 ఏళ్లు	6.50 శాతం	7.50 శాతం

పోస్టాఫీస్​ రికరింగ్ డిపాజిట్లు..
Post Office Rd Interest Rate 2023 :పోస్టాఫీస్​ రికరింగ్ డిపాజిట్ల మెచురిటీ సమయం​ ఐదేళ్లు ఉంటుంది. కనీసం నెలకు రూ.100 డిపాజిట్ చేయాల్సి ఉంటుంది. తరువాత ఆ మొత్తానికి పది రూపాయలు అదనంగా జమ చేస్తూ చెల్లించాలి. అయితే పోస్టాఫీస్​ రికరింగ్​ డిపాజిట్ల వడ్డీరేట్లపై సీనియర్​ సిటీజన్లు.. ఎలాంటి అదనపు ప్రయోజనాన్ని పొందలేరు. 2023 జులై1 నుంచి ఈ రేట్లు అమలులోకి వచ్చాయి. ఐదేళ్ల రికరింగ్​ డిపాజిట్లపై 6.5శాతం వడ్డీని చెల్లిస్తుంది పోస్టాఫీస్​. దాంతోపాటు రికరింగ్ డిపాజిట్ల పెట్టుబడుల వడ్డీపై 10 శాతం టీడీఎస్ (టాక్స్​ డిడక్షన్​ సోర్స్​) ​విధిస్తోంది ప్రభుత్వం. ఒకవేళ రికరింగ్​ డిపాజిట్లపై ఆర్జించిన వడ్డీ మొత్తం రూ.10వేలు దాటితే టీడీఎస్ నుంచి మినహాయింపు ఉంటుంది.