Apartment Buying Tips : మీరు అపార్ట్​మెంట్​ కొనాలని ప్లాన్​ చేస్తున్నారా?.. అయితే ఈ టిప్స్​ పాటించండి!

Apartment Buying Guide In Telugu : మనలో చాలా మందికి సొంత ఇళ్లు ఉండాలనేది ఒక కలగా ఉంటుంది. అయితే మెట్రో నగరాల్లో సొంత స్థలంలో ఇల్లు అనేది దాదాపు అసాధ్యం అనే చెప్పాలి. దీనికి పరిష్కారమే అపార్ట్​మెంట్. మీరు కూడా అపార్ట్​మెంట్ కొనాలని ఆలోచిస్తున్నారా? ఆయితే ఈ ముఖ్యమైన టిప్స్ తెలుసుకోండి.

Apartment Buying Tips 2023 : తెలుగు రాష్ట్రాలతో సహా, వేగంగా అభివృద్ధి చెందుతున్న రాష్ట్రాల్లోని అనేక నగరాల్లో భారీగా జనాభా పెరుగుతోంది. దీనికి తోడు చాలా మంది నగరాల్లోనే సెటిల్ అవుతున్న నేపథ్యంలో.. సొంతంగా అపార్ట్​మెంట్ లేదా ఫ్లాట్ తీసుకోవాలనే ఆలోచనలో ఉంటున్నారు. ఒకవేళ మీరు కూడా అపార్ట్​మెంట్​ తీసుకునే ఆలోచనలో ఉంటే మాత్రం ఈ ఆర్టికల్​ను పూర్తిగా చదవండి.

అపార్ట్​మెంట్​ ధరలు!
Apartment Price Estimation : అపార్ట్​మెంట్ అమ్మకం అనేది రియల్​ ఎస్టేట్​ డెవలపర్స్​ ఎంతో చాకచక్యంగా చేసే భారీ వ్యాపారం. అయితే మనం మన అవసరాలకు అనుగుణంగా అపార్ట్​మెంట్/ ఫ్లాట్​ను తీసుకోవాల్సి ఉంటుంది. సాధారణంగా రియల్​ ఎస్టేట్​ ఏజెంట్స్​​.. అపార్ట్​మెంట్​ పై ఫ్లోర్లను ముందుగా అమ్మకానికి పెడతారు. తర్వాత కింది ఫ్లోర్లను అమ్మడానికి ప్రయత్నిస్తారు. ఇక్కడ బయర్లు గమనించాల్సిన విషయం ఏమిటంటే.. ఫ్లోర్​ని, ఫ్లాట్​ని అనుసరించి ధరలు మారుతుంటాయి. కనుక ధరల విషయంలో చాలా జాగ్రత్తగా ఉండాలి.

పై ఫ్లోర్​ vs​ కింది​ ఫ్లోర్​
High Floor vs Low Floor : సాధారణంగా చాలా మంది పై ఫ్లోర్లు తీసుకోవాడానికి ఆసక్తి కనబరచవచ్చు. ఎందుకంటే కింది ఫ్లోర్లలో ఎక్కువ చీడ, పీడల బాధ ఉంటుంది. అదే పై ఫ్లోర్​లో అయితే ఈ బాధ పెద్దగా ఉండదు. అలాగే పై ఫ్లోర్లలో ధ్వని కాలుష్యం కూడా తక్కువగా ఉంటుంది. మీ చుట్టుపక్కల మంచి అందమైన ప్రదేశాలు ఉంటే, మీరు ప్రకృతి ప్రేమికులు అయితే.. పై ఫ్లోర్​నే ఎంచుకోవడం మంచిది. అలాగే అపార్ట్​మెంట్​లోకి వెలుతురు బాగా రావాలని ఆశించేవారు కూడా పై ఫ్లోర్​ ఎంచుకుంటే బాగుంటుంది.

అద్దెకు ఇవ్వాలంటే!
Apartment Rent Estimate : ఒక వేళ మీరు ఫ్లాట్​ని అద్దెకు ఇవ్వాలని అనుకుంటే అప్పుడు కింది ఫ్లోర్​లోని ఫ్లాట్​ని ఎంచుకోవడం మంచిది. ముఖ్యంగా ఫ్లాట్ తీసుకునే సమయంలో స్థానిక పరిస్థితులను కూడా దృష్టిలో పెట్టుకోవాల్సి ఉంటుంది.

కాలుష్యం ఎక్కువగా ఉంటే!
ఒకవేళ మీరు ఫ్లాట్ తీసుకునే ప్రాంతంలో వాయు కాలుష్యం ఎక్కువగా ఉంటే, అప్పుడు కింది ఫ్లోర్​లోని ఫ్లాట్​ని తీసుకోవడం మంచి ఎంపిక అవుతుంది. ఉదాహరణకు కాలుష్యం అధికంగా ఉండే దిల్లీ, చెన్నైలలో ఎక్కువ మంది గ్రౌండ్ ఫ్లోర్​లో ఉండడానికి ప్రాధాన్యం ఇస్తారు. అదే ముంబయి, బెంగళూరుల్లో అయితే.. ఎక్కువ మంది అప్పర్​ ఫ్లోర్స్​లో ఉండడానికి ఇష్టపడతారు.

ఇంట్లో వయోవృద్ధులు ఉంటే!
Ground Floor Pros and Cons : ఒక వేళ మీ ఇంట్లో వృద్ధులు, చిన్న పిల్లలు ఉన్నా, మీ ఇంటికి తరుచూ బంధువులు వస్తున్నా.. కింది ఫ్లోర్​లోని ఫ్లాట్​ని తీసుకోవడం మంచిది.

పై ఫ్లోర్​ ఎంచుకుంటే?
Top floor Pros and Cons : మీరు ఇష్టపడి పై ఫ్లోర్​ను ఎంచుకుంటే.. ఎలక్ట్రిసిటీ బిల్లు ఎక్కువ కట్టాల్సి వస్తుంది. ఎందుకంటే వేసవిలో మీరు నిరంతరాయంగా ఏసీలు రన్​ చేయాల్సి ఉంటుంది. అలాగే నీళ్లు అందించడానికి మోటార్​ పంపులు కూడా బాగా ఎలక్ట్రిసిటీని వాడుకుంటాయి. ఫలితంగా మీ బడ్జెట్​పై కొంత అధిక భారం పడకతప్పదు.

ఛాయిస్​ మీదే!
Best Floor in Apartment : చూశారుగా.. అందుకే మీ అవసరాలకు అనుగుణంగా ఏ ఫ్లోర్​ ఎంచుకోవాలో.. ముందుగానే ఒక కచ్చితమైన నిర్ణయానికి రావాలి. అప్పుడే భవిష్యత్​లో ఎలాంటి ఇబ్బందులు ఎదురుకాకుండా ఉంటాయి.