Ola Bharat EV Fest Offers : ప్రముఖ ఆటోమొబైల్ కంపెనీ ఓలా ఎలక్ట్రిక్ దసరా పండుగ సందర్భంగా 'భారత్ ఈవీ ఫెస్ట్'ను ప్రారంభించింది. ఈ పండుగ సేల్లో తమ ఎలక్ట్రిక్ స్కూటర్లపై, బ్యాటరీలపై భారీ డిస్కౌంట్స్, ఎక్స్ఛేంజ్ ఆఫర్స్ అందిస్తోంది. అలాగే బ్యాటరీ వారెంటీ పెంపు, సహా రిఫరల్ బెనిఫిట్స్ కూడా ఇస్తోంది.
టెస్ట్ రైడర్లకు ప్రైజెస్
Ola Electric Test Ride Price 2023 :
- ఓలా కంపెనీ ఈ నెలలో టెస్ట్ రైడ్ చేసేవారికి కూడా బహుమతులు ఇవ్వనున్నట్లు పేర్కొంది. ముఖ్యంగా ప్రతి రోజూ ఓ విజేతకు Ola S1 X+ ఎలక్ట్రిక్ స్కూటర్ను బహుమతిగా ఇస్తామని స్పష్టం చేసింది.
- ఓలా కంపెనీ ప్రకటించిన ఈ ఆఫర్లు, బహుమతులు తరువాతి నెల కూడా ఉంటాయా? లేదా? అనే విషయంలో ఇంకా పూర్తి స్పష్టత లేదు. కనుక ఆసక్తిగల వారు.. పండుగ సీజన్లోనే ఓలా అందించే బెనిఫిట్స్ సొంతం చేసుకోవడం ఉత్తమం.
5 ఇయర్స్ వారెంటీ!
Ola Electric Warranty Offer 2023 :
- ఓలా కంపెనీ సాధారణంగా తమ ఈవీ బ్యాటరీలపై 3 సంవత్సరాల వరకు వారెంటీ ఇస్తూ ఉంటుంది. అయితే పండుగ సీజన్లో ఈ వారెంటీని 5 ఏళ్లకు పెంచుతున్నట్లు స్పష్టం చేసింది.
- ముఖ్యంగా సరికొత్త S1 Pro - 2nd జనరేషన్ ఎలక్ట్రిక్ స్కూటర్లు కొనుగోలు చేసిన వారికి 5 ఏళ్లపాటు వారెంటీ ఇవ్వడం జరుగుతుంది.
- S1 Air ఎలక్ట్రిక్ స్కూటర్పై 50 శాతం డిస్కౌంట్ ఇవ్వడంతో పాటు, దాని బ్యాటరీపై 5 ఏళ్ల వారెంటీ కూడా అందిస్తోంది.
భారీ డిస్కౌంట్!
Ola Electric Discount Offers :
ఓలా ఎలక్ట్రిక్ స్కూటర్స్ - ఓలా ఎలక్ట్రిక్ కంపెనీ.. వాహనాల ఎక్స్ఛేంజ్పై రూ.10,000 వరకు డిస్కౌంట్ ఇస్తున్నట్లు ప్రకటించింది.
- ఓలా ఎస్1 స్కూటర్ను కొనుగోలు చేయాలని అనుకునేవారు.. తమ పెట్రోల్ బైక్ను ఎక్స్ఛేంజ్ చేసుకోవచ్చని కూడా ఓలా ఎలక్ట్రిక్ కంపెనీ తెలిపింది.
- ప్రస్తుతం ఓలా ఎస్ 1 స్కూటర్ ధర రూ.85,099 నుంచి రూ.1.10 లక్షల వరకు ఉంది. మీరు కనుక పెట్రోల్ బైక్ను ఎక్స్ఛేంజ్ చేస్తే, దాని ధరతో పాటు, అదనంగా రూ.10,000 వరకు డిస్కౌంట్ కూడా పొందవచ్చు.
రిఫరల్ - బెనిఫిట్స్
Ola Electric Referral Program :
- ఓలా కంపెనీ తమ కస్టమర్లకు రిఫరల్ బెనిఫిట్స్ కూడా అందిస్తామని ప్రకటించింది. ముఖ్యంగా ఎస్ 1 స్కూటర్లను రిఫర్ చేసినవారు.. రివార్డులు గెలుచుకోవచ్చని తెలిపింది.
- కొన్ని ఎంపిక చేసిన క్రెడిట్ కార్డుల ద్వారా ఓలా స్కూటర్లు కొనుగోలు చేస్తే రూ.7,500 వరకు డిస్కౌంట్ అందిస్తోంది ఓలా ఎలక్ట్రిక్.
- ఓలా కంపెనీ ఇటీవలే ఎస్ 1 ప్రో జెన్ 2 ఎలక్ట్రిక్ స్కూటర్ డెలివరీ ప్రారంభించింది. దీని ధర రూ.1.48 లక్షలు (ఎక్స్ షోరూం). ఓలా దీనిపై కూడా మంచి బెనిఫిట్స్ అందిస్తోంది.
Best 5 Bikes for College Students : కాలేజీ విద్యార్థుల కోసం.. అదిరిపోయే ఫీచర్లతో, తక్కువ ధరలో.. బెస్ట్ 5 బైక్స్.!
Best Cars Under 10 Lakhs : దసరాకు కారు కొనాలా?.. రూ.10 లక్షల బడ్జెట్లో బెస్ట్ కార్లు ఇవే!.. ఫీచర్స్ అదుర్స్!
