New TCS Rules 2023 : క్రెడిట్ కార్డులకు, విదేశీ పెట్టుబడులకు కొత్త రూల్స్​.. ఆ లిమిట్​ దాటితే 20% టాక్స్​!

New TCS Rules 2023 : కేంద్ర ప్రభుత్వం టీసీఎస్​ (ట్యాక్స్​ కలెక్షన్​ ఎట్​ సోర్స్) రేట్లను భారీగా పెంచింది. ఈ పెరిగిన పన్నులు 2023 అక్టోబర్​ 1 నుంచి అమల్లోకి రానున్నాయి. ఫలితంగా విదేశీ విద్య, విదేశీ పెట్టుబడులు, విమానం టికెట్ ఛార్జీలు, క్రెడిట్​, డెబిట్ కార్డ్​ ఛార్జీలు అన్నీ భారీగా పెరగనున్నాయి. పూర్తి వివరాలు మీ కోసం.

New TCS Rules 2023 : క్రెడిట్ కార్డ్ వినియోగదారులకు, విదేశాల్లో పెట్టుబడి పెట్టినవారికి బ్యాడ్ న్యూస్​. మరో రెండు వారాల్లోట్యాక్స్​ కలెక్షన్​ ఎట్​ సోర్స్​ (టీసీఎస్) రేట్లు భారీగా పెరగనున్నాయి. ఈ నేపథ్యంలో క్రెడిట్​ కార్డ్ వినియోగదారులు, విదేశీ ప్రయాణం చేసేవారు, విదేశాల్లో పెట్టుబడులు పెట్టేవారు ఇప్పుడున్న దాని కంటే అదనంగా ఛార్జీలు చెల్లించాల్సి ఉంటుంది. అంతేకాదు విదేశాల్లో చదువుకునే విద్యార్థులు, మ్యూచువల్​ ఫండ్స్​లలో పెట్టుబడులు పెట్టేవారికి కూడా పెరిగిన ఛార్జీలు మరింత భారం కానున్నాయి. దీనికి సంబంధించి కేంద్ర ప్రభుత్వం ఓ నోటిఫికేషన్ జారీ చేసింది. 2023 అక్టోబర్​ 1 నుంచి పెరిగిన ఛార్జీలు అమలులోకి రానున్నట్లు తెలిపింది.

పెరిగిన టీసీఎస్​ ఛార్జీల వివరాలు ఇలా ఉన్నాయి..

1. విదేశీ విద్యాఖర్చులపై టీసీఎస్​
   TCS on Education Fees :2023 అక్టోబర్​ 1 నుంచి విదేశాల్లో విద్యకు సంబంధించిన ఖర్చులు రూ.7 లక్షల లోపైతే ఎటువంటి టీసీఎస్​ ఛార్దీలు చెల్లించవలసిన అవసరం లేదు. ఒకవేళ ఈ ఖర్చులు రూ.7 లక్షలు దాటితే మాత్రం 5 శాతం టీసీఎస్​ చెల్లించవలసి ఉంటుంది. భారత్​లో ఉన్న తల్లిదండ్రులు, విదేశాల్లో ఉన్న తమ పిల్లల చదువుల కోసం డబ్బులు పంపాలనుకుంటే.. అందుకు సంబంధించిన వివరాలను ప్రభుత్వానికి అందించవలసి ఉంటుంది. ఉదా: కాలేజీ ఫీజు, హాస్టల్​ ఫీజు తదితర రుజువులు సమర్పించాల్సి ఉంటుంది.
2. వైద్యానికి సంబంధించిన ఖర్చులపై టీసీఎస్​
   విదేశాల్లో వైద్యానికి అయ్యే ఖర్చులపై చెల్లించే టీసీఎస్ రేట్లు కూడా 2023 అక్టోబర్​ 1 నుంచి​ మారనున్నాయి. ఈ ఖర్చు మొత్తం రూ.7లక్షల లోపైతే టీసీఎస్​ నుంచి మినహాయింపు పొందొచ్చు. రూ.7 లక్షలు దాటినట్లయితే కచ్చితంగా 5శాతం టీసీఎస్​ చెల్లించాలి.
3. విదేశీ పెట్టుబడులపై టీసీఎస్​ ఛార్జీలు ఇలా ఉన్నాయి..
   TCS on Foreign Investment :ప్రస్తుతానికి విదేశీ పెట్టుబడులపై అయ్యే ఖర్చులు.. రూ.7లక్షలు లోపైతే టీసీఎస్​ చెల్లించవలసిన అవసరం ఉండదు. ఈ ఖర్చులు రూ.7లక్షలు దాటితే మాత్రం 5 శాతం టీసీఎస్​​ చెల్లించాల్సి ఉంటుంది. కానీ 2023 అక్టోబర్​ 1 నుంచి మాత్రం ఈ లెక్కలు మారనున్నాయి. విదేశీ పెట్టుబడులపై అయ్యే ఖర్చులు.. రూ.7లక్షలు లోపైతే టీసీఎస్​ రుసుములు ఉండవు. అదే రూ.7లక్షలు దాటితే మాత్రం 20 శాతం టీసీఎస్ చెల్లించాల్సి ఉంటుంది. అంటే విదేశీ పెట్టుబడులపై భారీగా టీసీఎస్​ భారం పడుతుంది.
4. విదేశీ ప్రయాణంపై టీసీఎస్​
   TCS on Foreign Travel :2023 అక్టోబర్​ 1 నుంచి విదేశీ ప్రయాణ ఖర్చులపై కూడా టీసీఎస్ భారం పడనుంది. ప్రస్తుతం విదేశీ ప్రయాణ ఖర్చులపై ఎంతైనప్పటికీ 5 శాతం టీసీఎస్ మాత్రమే కట్టాల్సి ఉంది. అయితే అక్టోబర్​ 1 నుంచి.. విదేశీ ప్రయాణ ఖర్చులు రూ.7లక్షలు లోపైతే 5 శాతం టీసీఎస్ చెల్లించాలి. రూ.7లక్షలు దాటితే మాత్రం 20 శాతం చెల్లించాలి.
5. క్రెడిట్​ కార్డ్​, డెబిట్​ కార్డ్​, ఫారెక్స్​ కార్డ్​లపై టీసీఎస్​..
   TCS on Credit Card and Debit Card : 2023 అక్టోబర్​ 1 నుంచి క్రెడిట్​ కార్డ్​, డెబిట్​ కార్డ్​, ఫారెక్స్​ కార్డ్​ల ద్వారా విదేశాల్లో జరిపే చెల్లింపుల మొత్తం రూ.7లక్షలు లోపు ఉంటే.. ఎటువంటి టీసీఎస్​ ఛార్జీలు ఉండవు. రూ.7లక్షలు దాటితే మాత్రం 20 శాతం టీసీఎస్​ రుసుములు చెల్లించాలి.