LIC Kanyadan Policy: ఎల్​ఐసీ కన్యాదాన్​ పాలసీ.. బాలికల విద్య, వివాహం కోసం అద్భుతమైన స్కీమ్​!

LIC Kanyadan Policy: 'ఎల్​ఐసీ కన్యాదాన్​ పాలసీ'.. ఆడపిల్లలకు సంబంధించి ప్రముఖ బీమా సంస్థ ఎల్​ఐసీ ప్రవేశపెట్టిన అద్భుతమైన పాలసీల్లో ఇదీ ఒకటి. పేరులో ఉన్నట్లుగానే ఆడపిల్ల వివాహాన్ని భారంగా భావించే తల్లిదండ్రులకు ఆర్థికంగా అండగా నిలిచేందుకు ఈ సూపర్​ పాలసీని ప్రవేశపెట్టారు. మరి ఈ పాలసీని ఎప్పుడు తీసుకోవచ్చు, ఎవరు అర్హులు, ప్రీమియం ఎంత, ఎలా చెల్లించాలి మొదలైన పూర్తి వివరాలు మీకోసం..

LIC Kanyadan Policy: ప్రస్తుత రోజుల్లో ఆడపిల్లలకు పెళ్లిచేయడం అనేదాన్ని భారంగా భావిస్తున్నారు కొందరు తల్లిదండ్రులు. అలాంటి వారికోసమే అధ్బుతమైన పాలసీని తీసుకొచ్చింది ప్రముఖ ప్రభుత్వ రంగ బీమా సంస్థ లైఫ్‌ ఇన్సూరెన్స్‌ కార్పొరేషన్‌ (ఎల్‌ఐసీ). అదే 'ఎల్​ఐసీ కన్యాదాన్​ పాలసీ'. ఇది కేవలం ఆడపిల్లల పెళ్లికి మాత్రమే కాకుండా వారి బంగారు భవిష్యత్తు కోసం కూడా ఎంతగానో ఉపయోగపడుతుంది. ఈ పాలసీ ముఖ్య ఉద్దేశం కుమార్తె వివాహంతో పాటు ఆమె పైచదువుల ఆర్థిక అవసరాలను కూడా తీర్చడం. ముఖ్యంగా ఈ పాలసీలో ఇద్దరే భాగస్వామ్యులుగా ఉంటారు. ఒకరు కుమార్తె, మరొకరు తండ్రి.

తండ్రి మరణిస్తే..?
LIC Policy For Girl Child : ఈ పాలసీ ప్లాన్​ పూర్తిగా కూతురి పేరు మీదే ఉన్నప్పటికీ పూర్తి అధికారాలు మాత్రం తండ్రికే ఉంటాయి. అయితే పాలసీ మెచ్యురిటీ కాకముందే, తండ్రి మరణిస్తే.. అతడి కుటుంబానికి ఆర్థికంగా లబ్ధి చేకూరుతుంది. అదెలాగంటే.. ఈ పాలసీ తీసుకున్న కొంత కాలానికే తండ్రి చనిపోతే అతడి కుటుంబం మిగతా కాలానికి పాలసీ ప్రీమియాన్ని చెల్లించాల్సిన అవసరం ఉండదు. అంటే ప్రీమియం మొత్తం మాఫీ అవ్వడమే కాకుండా పాలసీ ఉచితంగా అమలు అవుతుంది. అలాగే పాలసీ మిగిలిన సంవత్సరాలలో ప్రతి సంవత్సరం సమ్ అష్యూర్డ్‌లో నుంచి 10% డబ్బును కుమార్తె పొందవచ్చు. కాగా, పాలసీ వ్యవధి (మెచ్యురిటీ) ముగిశాక పాలసీ మొత్తం అమౌంట్​ను నామినీకి అంటే కుమార్తెకు అందజేస్తారు. అయితే లబ్ధిదారుడు(తండ్రి) ప్రమాదవశాత్తు మరణిస్తే గనుక రూ.10 లక్షలు, అదే సహజ మరణమైతే రూ.5 లక్షలు కుటుంబానికి చెల్లిస్తారు.

పాలసీ వ్యవధి..
LIC Kanyadan Policy Age Limit : ఈ పాలసీ వ్యవధి 13 నుంచి 25 సంవత్సరాల వరకు ఉంటుంది. అయితే తన కుమార్తె కోసం తండ్రి ఈ పాలసీను తీసుకోవాలంటే, తండ్రి వయసు 18 నుంచి 50 ఏళ్లలోపు ఉండాలి. గరిష్ఠ మెచ్యురిటీ వయసును 65 సంవత్సరాలుగా ఫిక్స్​ చేశారు. ఇక ఈ పాలసీని కుమార్తె పేరు మీద తీసుకోవడానికి ఆమె వయసు 1-10 సంవత్సరాల మధ్య ఉండాలి. కుమార్తె భవిష్యత్​ గురించి ఆలోచించే ప్రతి తల్లిదండ్రులకు ఈ పాలసీ ఎంతగానో దోహదపడుతుంది.

25 ఏళ్ల పాలసీకి.. 22 ఏళ్ల ప్రీమియం..
LIC Kanyadan Policy Duration : ఈ పాలసీకి రోజు వారీ ప్రీమియం రూ.75 నుంచి మొదలవుతుంది. దీంతో పాటు నెలవారీగా, క్వార్టర్లీ, హాఫ్​ ఇయర్లీ, యాన్యువల్​గా ప్రీమియం చెల్లించే ఆప్షన్​ను ఎంచుకోవచ్చు. మొత్తంగా 25 ఏళ్ల వ్యవధి కలిగిన ఈ పాలసీకి కేవలం 22 ఏళ్ల ప్రీమియం చెల్లిస్తే సరిపోతుంది. అలా 13 ఏళ్ల నుంచి ప్రారంభమయ్యే ఈ ప్లాన్​కు ఎల్​ఐసీ నిబంధనల ఆధారంగా ప్రీమియం కట్టాల్సి ఉంటుంది. అలా మెచ్యురిటీ తర్వాత కుమార్తె పెళ్లి సమయానికి భారీ మొత్తంలో నగదును లబ్ధి పొందొచ్చు.

18 ఏళ్లు దాటాక 50 శాతం..
LIC Kanyadan Policy Benefits : కుమార్తె పేరుపై తీసుకునే ఈ పాలసీలో మరో ప్రత్యేకత ఏంటంటే.. అమ్మాయి ఉన్నత చదవులు కోసం ప్లాన్​ అమౌంట్​లో నుంచి గరిష్ఠంగా 50 శాతం మేర నగదును ఉపసంహరించుకోవచ్చు. అయితే అప్పటికి అమ్మాయికి 18 ఏళ్లు నిండి ఉండాలి. అయితే ఒకే కుమార్తె పేరుపై రెండు ఖాతాలను తెరవకూడదనే విషయాన్ని గుర్తుపెట్టుకోండి.

లోన్​ పొందొచ్చు.. పన్ను రహితం..
LIC Kanyadan Policy Tax Benefit : ఈ పాలసీ వల్ల కలిగే లాభాల్లో లోన్​ సౌకర్యం కూడా ఒకటి. పాలసీ కొనుగోలు చేసిన మూడేళ్ల నుంచి దీనిపై మనం అనేక రకాల రుణాలను కూడా పొందొచ్చు. అంతేకాకుండా ఈ ప్రీమియం డిపాజిట్‌పై 80C కింద పన్ను మినహాయింపు కూడా ఉంటుంది. అలాగే సెక్షన్ 10D కింద మెచ్యురిటీ అమౌంట్​ మొత్తం పన్ను రహితం. మొత్తంగా మీరు రోజూ రూ.75లు ఆదా చేస్తే.. పాలసీ వ్యవధి ముగిసే సమయానికి సుమారు రూ.14.5 లక్షలు.. అదే రోజూ రూ.151లు పొదుపు​ చేస్తే మెచ్యురిటీ సమయానికి రూ.31 లక్షలు వరకు నగదును అందుకోవచ్చు.

• ఇవీ చదవండి :