LIC Jeevan Tarun Policy : పిల్లల కోసం​ ఎల్​ఐసీలో అద్భుతమైన​ ప్లాన్​.. రోజుకు 171 కడితే.. రూ.29 లక్షలు వస్తాయ్​!

LIC Jeevan Tarun Policy : ప్రభుత్వ రంగ బీమా సంస్థ ఎల్​ఐసీ చిన్నపిల్లల కోసం 'జీవన్​ తురుణ్​' అనే పాలసీని ప్రవేశపెట్టింది. ఈ పాలసీని పిల్లల పేరు మీద తల్లిదండ్రులు తీసుకోవచ్చు. ఈ పాలసీ తీసుకుంటే.. బీమా కవరేజీతోపాటు, సమ్-అష్యూరెన్స్ కూడా లభిస్తుంది. మరి ఈ జీవన్​ తరుణ్ పాలసీ గురించి పూర్తి వివరాలు తెలుసుకుందామా?

LIC Jeevan Tarun Policy :ప్రస్తుతం ఎక్కడ చూసినా అన్ని నిత్యావసర ధరలు పెరిగిపోతున్నాయి. అలాగే పిల్లల బడి, కాలేజీ ఫీజులు కూడా ప్రతి ఏడాది పెరుగుతూనే ఉన్నాయి. ఈ నేపథ్యంలో వారి ఉన్నత చదువులు తల్లిదండ్రులకు భారంగా మారుతున్నాయి. దీనిని దృష్టిలో ఉంచుకొనే ప్రముఖ బీమా సంస్థ.. లైఫ్​ ఇన్సూరెన్స్​ కార్పొరేషన్ ఆఫ్​ ఇండియా (ఎల్​ఐసీ) మీ పిల్లల కోసం ఓ అదిరిపోయే ప్లాన్​ను ప్రవేశపెట్టింది. అదే ఎల్​ఐసీ 'జీవన్​ తరుణ్​ పాలసీ'. ఈ స్కీమ్​ కింద రోజుకు రూ.171లు కడితే చాలు, మీ పిల్లలకు 25 ఏళ్లు వచ్చే సరికి చాలా పెద్ద మొత్తంలో డబ్బును అందుకుంటారు. అదెలాగో ఇప్పుడు తెలుసుకుందాం.

జీవన్​ తరుణ్​ పాలసీ!
LIC Jeevan Tarun Plan :జీవన్​ తరుణ్​ పాలసీ అనేదీ ఓ నాన్​-లింక్డ్​ లిమిటెడ్​ ప్రీమియం పేమెంట్​ ప్లాన్​​. ఈ పాలసీలో మీరు కట్టే అమౌంట్​పై ఎలాంటి మార్కెట్​ ప్రభావం ఉండదు. కనుక దీన్ని సమ్​-అష్యూర్డ్​ ప్లాన్​గా కూడా పరిగణించవచ్చు. అంటే మీరు మదుపు చేసిన డబ్బులు మళ్లీ మీ చేతికి తిరిగి వచ్చేస్తాయి. అంతేగాక ఎల్ఐసీకి వచ్చే లాభాల్లో నుంచి బోనస్​ను కూడా పాలసీదారులకు అందుతుంది.

మీ వెసులుబాటు ఆధారంగా కట్టుకోవచ్చు!
Jeevan Tarun Benefits : ఈ ఎల్​ఐసీ ప్లాన్​ను తల్లిదండ్రులు తమ పిల్లల పేర్లపై తీసుకోవచ్చు. ఇందులో మదుపు చేయడం ద్వారా ఇన్సూరెన్స్​ కవరేజీతో పాటు మనీ బ్యాక్​ కూడా లభిస్తుంది. ఇది మీ పిల్లల చదువులకు సంబంధించిన అవసరాలతో పాటు, ఆడపిల్లల పెళ్లి ఖర్చులను కూడా తీర్చుకునేందుకు ఉపయోగపడుతుంది. ఈ ప్లాన్​ ప్రీమియంను మన వెసులుబాటుకు అనుగుణంగా కట్టుకోవచ్చు. అంటే నెల, మూడు, ఆరు నెలలకు లేదా ఏడాదికోసారి చెల్లించవచ్చు. ( Best LIC Policy For Children )

ఎల్​ఐసీ జీవన్​ తరుణ్​ పాలసీ తీసుకోవాలంటే మీ పాప లేదా బాబు వయసు కనీసం మూడు నెలలు లేదా 90 రోజులు ఉండాలి. గరిష్ఠంగా 12 ఏళ్ల వరకు వారి పేరుపై ఈ పాలసీని తీసుకోవచ్చు. కాగా, ఈ పాలసీని కనిష్ఠంగా రూ.75 వేల మొత్తానికి తీసుకోవాల్సి ఉంటుంది. ఎటువంటి గరిష్ఠ పరిమితులు లేవు. అంటే మీ స్తోమత ఆధారంగా ప్లాన్​ విలువను పెంచుకోవచ్చు.

లోన్​ కూడా పొందవచ్చు!
Best LIC Plan For Child :జీవన్​ తరుణ్​ ప్లాన్​ తీసుకుంటే.. మీ పిలలకు 25 ఏళ్ల వరకు బీమా కవరేజీ​ లభిస్తుంది. అంతేగాక ఎప్పుడైనా అవసరమైతే.. ఈ ప్లాన్​పై లోన్​ కూడా తీసుకోవచ్చు.

పాలసీ ముఖచిత్రం!
LIC Plans For 25 Years : ఈ ఎల్​ఐసీ జీవన్ తరుణ్ పాలసీ మెచ్యూరిటీ గడువును 25 ఏళ్లుగా ఫిక్స్​ చేశారు. కాగా, ఇందులో చివరి 5 ఏళ్లకు ఎటువంటి ప్రీమియం కట్టాల్సిన అవసరం లేదు. ఉదాహరణకు మీరు 25 ఏళ్ల టెన్యూర్​తో ఈ ఎల్​ఐసీ ప్లాన్​ను కొనుగోలు చేశారనుకుందాం. అప్పుడు మీరు కేవలం 20 ఏళ్లు ప్రీమియం కడితే సరిపోతుంది.

Jeevan Tarun LIC Policy Details With Example : ఉదాహరణకు మీ పిల్లలు పుట్టిన ఏడాదిలోపే వారి పేరు మీద జీవన్​ తరుణ్​ పాలసీ తీసుకున్నారనుకుందాం. అప్పుడు ఆ పాలసీ టర్మ్​ వచ్చేసి 24 ఏళ్లుగా ఉంటుంది. అంటే మీరు 19 ఏళ్ల పాటు మాత్రమే ప్రీమియం కట్టాల్సి ఉంటుంది. మీ చిన్నారికి 2 ఏళ్లప్పుడు మీరు పాలసీ తీసుకుంటే గనుక వారికి 23 ఏళ్ల వయస్సు వచ్చే వరకు ఈ పాలసీ వర్తిస్తుంది. అంటే మీరు కేవలం 18 ఏళ్ల పాటు మాత్రమే ప్రీమియం చెల్లించాలి.

మెచ్యురిటీ సమయానికి ఎంత వస్తుంది?
Jeevan Tarun LIC Policy Benefits : మీ పాప లేదా బాబుకు 2 ఏళ్ల వయస్సు ఉన్నప్పుడు.. ఏడాదికి రూ.62,415 ప్రీమియంను చెల్లించే విధంగా జీవన్​ తరుణ్​ ప్లాన్​ను తీసుకున్నారనుకుందాం. అప్పుడు మీరు రోజుకు కేవలం రూ.171 కడితే​ చాలు. దీని ప్రకారం 18 ఏళ్లలో మీరు రూ.10.89 లక్షలను ప్రీమియంగా చెల్లిస్తారు. దీనికి ఎల్​ఐసీ అదనంగా బోనస్​ కింద యాడ్​ చేస్తుంది. అంటే మీ పిల్లలకు 25 ఏళ్లు నిండగానే ఎల్​ఐసీ దాదాపు రూ.28.24 లక్షలను ఏకమొత్తంగా అందిస్తుంది.