LIC IPO: ఎల్​ఐసీ ఐపీఓ తేదీ ఖరారు.. ఎప్పుడంటే?

LIC IPO date: ఎప్పుడెప్పుడా అని ఎదురుచూస్తున్న భారతీయ జీవిత బీమా సంస్థ(ఎల్​ఐసీ) ఐపీఓ తేదీలు ఖరారైనట్లు తెలుస్తోంది. మే 4న పబ్లిష్​ ఇష్యూ ప్రారంభం కానున్నట్లు సంబంధిత వర్గాలు తెలిపాయి. ఆరు రోజుల పాటు బిడ్ల దాఖలుకు అవకాశం ఇవ్వనున్నట్లు పేర్కొన్నాయి.

LIC IPO date: స్టాక్​ మార్కెట్​ వర్గాలు, రిటైల్​ మదుపరులు, ట్రేడర్లు.. ఎంతగానో ఎదురుచూస్తున్న ఎల్​ఐసీ ఐపీఓ మే 4న ఓపెన్​ కానుందని సంబంధిత వర్గాలు తెలిపాయి. బిడ్లు దాఖలు చేసేందుకు మే 4 నుంచి మే 9 వరకు అవకాశం ఉంటుందని పేర్కొన్నాయి. మే 2న యాంకర్​ ఇన్వెస్టర్ల కోసం ఇష్యూ ఓపెన్​ అవుతుందని వెల్లడించాయి. అయితే, పబ్లిక్​ ఇష్యూపై సంస్థ నుంచి అధికారిక ప్రకటన వెలువడాల్సి ఉంది.

రూ. 21వేల కోట్ల సమీకరణే లక్ష్యంగా ఎల్​ఐసీలోని 3.5శాతం వాటాను విక్రయించేందుకు కేంద్ర ప్రభుత్వం ఏర్పాట్లు చేస్తోంది. దాదాపు 22కోట్ల షేర్లను అమ్మకానికి పెట్టనుంది. ఎల్​ఐసీలో కేంద్రానికి 100శాతం వాటా ఉంది. తొలుత 5శాతం వాటా విక్రయించేందుకు సిద్దపడింది. కానీ దానిని 3.5శాతానికి కుదించింది. అయినప్పటికీ.. దేశంలోనే అతిపెద్ద ఐపీఓగా ఇది చరిత్రలో నిలవనుంది. ఎల్​ఐసీ విలువ రూ.6 లక్షల కోట్లుగా ఉంది.

ఇదీ చూడండి:LIC IPO: 3.5 శాతానికి తగ్గిన ఎల్‌ఐసీ పబ్లిక్​ ఇష్యూ పరిమాణం