Jio New Year Offer 2024 :దేశీయ టెలికాం దిగ్గజం రిలయన్స్ జియో తాజాగా న్యూ ఇయర్ ఆఫర్ ప్రకటించింది. కొత్త ఏడాదిలో అడుగుపెట్టనున్న తరుణంలో, ఏడాది కాలపరిమితితో ఉన్న ఓ రీఛార్జ్ ప్లాన్పై 'హ్యాపీ న్యూ ఇయర్ ఆఫర్ 2024' పేరిట అదనపు వ్యాలిడిటీని అందిస్తోంది. జియో ప్రీపెయిడ్ యూజర్లు అందరికీ ఇప్పటికే ఈ ఆఫర్ అందుబాటులోకి వచ్చింది. అందుకే లాంగ్ టర్మ్ ప్లాన్ కోసం ఎదురుచూస్తున్నవారు ఈ ప్లాన్పై ఓ లుక్కేస్తే బెటర్.
Jio Rs 2999 Plan Validilty :రిలయన్స్ జియో రూ.2999 ప్రీపెయిడ్ ప్లాన్ను 365 రోజుల వ్యాలిడిటితో అందిస్తోంది. అయితే న్యూ ఇయర్ ఆఫర్ కింద, ఈ ప్లాన్ తీసుకున్నవారికి 24 రోజుల అదనపు వ్యాలిడిటీ ఓచర్ను ఇస్తోంది. అంటే రూ.2999 రీఛార్జ్ ప్లాన్ను సబ్స్క్రైబ్ చేసుకున్నవారు ఏకంగా 389 రోజులపాటు దానిని ఉపయోగించుకోవచ్చు అన్నమాట.
Jio Rs 2999 Plan Benefits :ఈ రిలయన్స్ జియో రూ.2999 ప్లాన్ తీసుకున్నవారికి అపరిమిత వాయిస్కాల్స్, రోజుకు 100 ఎస్ఎంఎస్లు లభిస్తాయి. అలాగే రోజుకు 2.5 జీబీ డేటా చొప్పున 365 రోజులకు 912 జీబీ డేటా లభిస్తుంది. ఈ డేటా లిమిట్ దాటిన తరువాత ఇంటర్నెట్ స్పీడ్ 64 kbpsకు తగ్గిపోతుంది.
ఈ రిలయన్స్ జియో రూ.2999 ప్లాన్ను రీఛార్జ్ చేసుకున్నవారు జియో క్లౌడ్, జియో టీవీ, జియో సినిమాలను ఏడాది పాటు ఉచితంగా ఆస్వాదించవచ్చు. అయితే జియో సినిమా ప్రీమియం మాత్రం ఇందులో ఉండదు. ఎలిజిబిలిటీ ఉన్న యూజర్లకు అన్లిమిటెడ్ 5జీ డేటా కూడా లభిస్తుంది.
జియో ఓటీటీ ప్లాన్స్
ఓటీటీ లవర్స్ కోసం జియో ప్రత్యేకమైన ప్లాన్లను అందిస్తోంది. అవి :
- జియో రూ.4498 ప్లాన్ : ఈ వన్ ఇయర్ ప్లాన్లో 14 ఓటీటీ ప్లాట్ఫాంల సబ్స్క్రిప్షన్ లభిస్తుంది. పైగా రోజుకు 2.5 జీబీ డేటా చొప్పున అందుతుంది. ఈ ప్లాన్లో అమెజాన్ ప్రైమ్ వీడియో మొబైల్, డిస్నీ+హాట్స్టార్, సోనీ లివ్, జీ5, జియో సినిమా ప్రీమియం, లయన్స్గేట్ ప్లే, డిస్కవరీ+, ఎపిక్ ఆన్, సన్ NXT, డాక్యుబే, హోఇచోయ్, చౌపాల్, ప్లానెట్ మరాఠీ, కంచ లంకా ఓటీటీల సబ్స్క్రిప్షన్ ఉచితంగా లభిస్తుంది.
- జియో రూ.1198 ప్లాన్ : 84 రోజుల వ్యాలిడిటితో వచ్చే ఈ ప్లాన్లోనూ 14 ఓటీటీ సబ్స్క్రిప్షన్స్పొందవచ్చు. రోజుకు 2 జీబీ డేటా చొప్పున అందుతుంది. ఈ ప్లాన్ తీసుకున్నవారు అమెజాన్ ప్రైమ్ వీడియో మొబైల్, డిస్నీ+హాట్స్టార్, సోనీ లివ్, జీ5, జియో సినిమా ప్రీమియం, లయన్స్గేట్ ప్లే, డిస్కవరీ+, ఎపిక్ ఆన్, సన్ NXT, డాక్యుబే, హోఇచోయ్, చౌపాల్, ప్లానెట్ మరాఠీ, కంచ లంకా ఓటీటీల కంటెంట్ను ఉచితంగా చూడవచ్చు.
- జియో రూ.398 ప్లాన్ : 28 రోజుల వ్యాలిడితో వచ్చే ఈ ప్లాన్లో 12 ఓటీటీ ప్లాట్ఫామ్స్ సబ్స్క్రిప్షన్ పొందవచ్చు. ఈ ప్లాన్ తీసుకున్న యూజర్లు సోనీ లివ్, జీ5, జియో సినిమా ప్రీమియం, లయన్స్గేట్ ప్లే, డిస్కవరీ+, ఎపిక్ ఆన్, సన్ NXT, డాక్యుబే, హోఇచోయ్, చౌపాల్, ప్లానెట్ మరాఠీ, కంచ లంకా ఓటీటీల కంటెంట్ను ఉచితంగా చూడవచ్చు.
దేశంలోనే అత్యంత ఖరీదైన ప్లాన్ - 14+ ఓటీటీ సబ్స్క్రిప్షన్స్ & సూపర్ బెనిఫిట్స్!
అన్‌క్లెయిమ్డ్‌ డిపాజిట్లు గురించి తెలుసుకోవాలా? UDGAM పోర్టల్లో చెక్ చేసుకోండిలా!
