ITR Revalidation Status Check : ఐటీఆర్​ రీఫండ్​ ఇంకా రాలేదా?.. మీ బ్యాంక్​ ఖాతాను రీ-వ్యాలిడేట్ చేసుకోండి!

ITR Revalidation Status Check Online : ఐటీఆర్​ రీఫండ్​లకు సంబంధించి ఆదయపు పన్ను శాఖ కీలక సూచనలు చేసింది. ఐటీఆర్​ దాఖలు చేసినవారు కచ్చితంగా తమ బ్యాంక్​ ఖాతా వివరాలను అప్డేట్​ లేదా రీ-వ్యాలిడేట్​ చేసుకోవాలని 'X'(ట్విట్టర్​) వేదికగా కోరింది. మరి బ్యాంక్​ అకౌంట్​ను ఎలా రీ-వ్యాలిడేట్​ చేయాలో ఇప్పడు తెలుసుకుందామా?

ITR Revalidation Status Check Online :దేశంలో లక్షల మంది ట్యాక్స్​ పేయర్లు తమ ఐటీఆర్​ రీఫండ్స్​ కోసం ఎదురు చూస్తున్నారు. ఇప్పటికే 6 కోట్ల మంది ఖాతాదార్ల ఫైలింగ్​లను ప్రాసెస్​ చేసిన కేంద్ర ప్రత్యక్ష పన్నుల బోర్డు (CBDT).. మిగతా వాటిని కూడా ప్రాసెస్​ చేసేందుకు సిద్ధంగా ఉంది. అయితే వాటిని వెరిఫై చేసి ప్రాసెస్​ చేయాలంటే ముందుగా మనం(పన్ను చెల్లింపుదారులు) తమ తమ బ్యాంకు ఖాతాల వివరాలను అప్డేట్​ లేదా రీ-వ్యాలిడేట్​ చేయాల్సి ఉంటుంది. అలా చేసిన తర్వాతనే మీ ఐటీఆర్​ ఫైలింగ్​ ప్రక్రియ పూర్తవుతుంది. అప్పుడే మీకు రావాల్సిన రీఫండ్​ మీకు తిరిగి వస్తుంది. కాగా, ఐటీఆర్​లు ఫైల్​ చేసిన వారు తప్పకుండా తమ బ్యాంకు ఖాతాల వివరాలను మళ్లీ అప్డేట్​ లేదా రీ-వ్యాలిడేట్​ చేసుకోవాలని ఆదాయపు పన్ను శాఖ తాజాగా 'X'(ట్విట్టర్​) వేదికగా సూచించింది.

ITR Filing 2023 : ఐటీఆర్ రీఫండ్​ రావాలంటే ముందుగా ప్రతి ఒక్కరూ తమ బ్యాంక్​ వివరాలను ప్రీ-వ్యాలిడేట్​ చేసుకోవాల్సి ఉంటుంది. అయితే అలా వ్యాలిడేట్​ చేసిన బ్యాంక్​ అకౌంట్​ను పన్ను చెల్లింపుదారులు.. సాధారణంగా ఈవీసీ (ఎలక్ట్రానిక్​ వెరిఫికేషన్​ కోడ్​)ను ఎనేబుల్​ చేసుకునేందుకు వాడవచ్చు. అలాగే ట్యాక్స్​ రిటర్న్స్​, ఇ-ప్రొసీడింగ్స్​, రీఫండ్​ రీ-ఇష్యూస్, పాస్​వర్డ్​ రీసెట్స్​, ఇ-ఫైలింగ్​ కోసం.. ఇలా రకరకాలుగా ఉపయోగించవచ్చు. అందువల్లనే వ్యాలిడేట్( Revalidation Of Bank Account In ITR ) చేసిన బ్యాంకు వివరాలను మరోసారి అప్డేషన్​ లేదా రీ-వ్యాలిడేట్​ చేసుకోమని అధికారులు సూచిస్తున్నారు. మరి మన బ్యాంకు డీటెయిల్స్​ను అప్డేట్​ లేదా రీ-వ్యాలిడేట్​ ఎలా చేయాలో ఇప్పుడు తెలుసుకుందాం.

1. ముందుగా http://incometax.gov.in పోర్టల్​లోకి లాగిన్​ అవ్వాలి.
2. తర్వాత మీ ప్రొఫైల్​ సెక్షన్​లోకి వెళ్లండి.
3. అనంతరం 'My Bank Account'పై క్లిక్​ చేయండి.
4. చివరగా 'రీవ్యాలిడేట్​' లేదా 'యాడ్​ బ్యాంక్​ అకౌంట్' అని అప్షన్​ను సెలెక్ట్​ చేయండి.
5. ఈ వ్యాలిడేషన్​ రిక్వెస్ట్​కి​ సంబంధించిన వివరాల స్టెటస్​ను మీ మొబైల్​ నంబర్​తో పాటు రిజిస్టర్డ్ ఈ-మెయిల్​ అడ్రస్​కు పంపిస్తారు.

దీనితో మీ బ్యాంక్​ ఖాతా వివరాలు మరలా అప్డేట్​ లేదా రీవ్యాలిడేట్​ అవుతాయి. అంటే సంబంధిత బ్యాంక్​ మీ గుర్తింపును ధ్రువీకరిస్తుంది. ఇది మీరు దాఖలు చేసిన ఐటీఆర్​ త్వరగా ప్రాసెస్​ అయ్యి వీలైనంత త్వరగా మీ రీఫండ్​ మీ అకౌంట్​లో క్రెడిట్​​ అయ్యేందుకు ఉపయోగపడుతుంది.

'Failed bank account' అని చూపిస్తే ఏం చేయాలి?
ITR Revalidation Online :ఒకవేళ మీ బ్యాంక్​ ఖాతా వ్యాలిడేషన్​ లేదా అప్డేషన్​ ఫెయిల్​ అయితే ఏం చేయాలనే సందేహం కూడా మీకు రావచ్చు. కొన్ని సందర్భాల్లో మీ వివరాలన్నీ 'Failed Bank Accounts' సెక్షన్​లో చూపిస్తాయి. అలాంటి సమయాల్లో ఫెయిల్​ అయిన బ్యాంక్​ అకౌంట్​ వివరాలను ప్రీ-వ్యాలిడేషన్​ కోసం మళ్లీ రీ-సబ్మిట్​ చేయాలి. ఇందుకోసం పోర్టల్​లోని 'Failed Bank Accounts' సెక్షన్​లో 'Re-Validate' ఆప్షన్​పై క్లిక్​ చేయండి. దీనితో మీ 'వ్యాలిడేషన్​ ప్రోగ్రెస్​లో ఉంది' అనే స్టేటస్​ మీకు కనిపిస్తుంది. ఇలా చేయడంతో మీ ఐటీఆర్​ రీఫండ్​ ప్రక్రియ ముందుకు కొనసాగుతుంది.