మార్కెట్లోకి 'హ్యుందాయ్​' కొత్త కారు - ధర, ఫీచర్లు ఇలా..

Hyundai New Edition: ఆటోమొబైల్​ దిగ్గజం హ్యుందాయ్ మోటర్స్ మరో వాహనాన్ని విపణిలోకి తీసుకొచ్చింది. సరికొత్త హంగులతో​ గ్రాండ్​ ఐ10 NIOS ఎడిషన్​ను విడుదల చేసింది. దాని ధర ఎంతంటే..?

Hyundai New Edition: దక్షిణ కొరియాకు చెందిన దిగ్గజ కార్ల కంపెనీ హ్యుందాయ్​ మోటార్స్.. భారత్​లో మరో కొత్త మోడల్​ కారును సోమవారం విడుదల చేసింది​. 'గ్రాండ్ ఐ10 NIOS' కార్పొరేట్ ఎడిషన్​ పేరుతో విడుదలైన ఈ కారు ప్రారంభ ధరను (ఎక్స్​ షోరూం) రూ.6.28 లక్షలుగా నిర్ణయించింది. ఈ కొత్త మోడల్​ను​ మాన్యువల్​తో పాటు ఆటోమేటిక్ ఎడిషన్లను విడుదల చేసింది.​ 5-స్పీడ్ మ్యాన్యువల్ వేరియంట్ కారు ధర రూ.6.28 లక్షలు కాగా, ఆటోమేటెడ్ మ్యాన్యువల్ ట్రాన్స్‌మిషన్ (ఏఎమ్‌టీ) ధర రూ. 6.97 లక్షలు.

హ్యుందాయ్​ గ్రాండ్​ ఐ10 NIOS కార్పొరేట్​ ఎడిషన్​

ఫీచర్లు ఇవే..

• 1.2-లీటర్ కప్పా పెట్రోల్ ఇంజిన్​
• 6.75 అంగుళాల టచ్‌స్క్రీన్ ఇన్ఫోటైన్‌మెంట్ సిస్టమ్‌
• స్మార్ట్‌ఫోన్ మిర్రరింగ్ నేవిగేషన్
• ఎల్​ఈడీ టర్న్ ఇండికేటర్‌తో కూడిన ఎలక్ట్రిక్ ఫోల్డబుల్ మిర్రర్​
• బ్లాక్-పెయింటెడ్​ మిర్రర్​లు
• 15-అంగుళాల గన్‌మెటల్ స్టైల్ వీల్స్
• గ్లోసీ బ్లాక్ రేడియేటర్ గ్రిల్
• రెడ్ కలర్ ఇన్‌సర్ట్‌లు (సీట్లు, ఏసీ వెంట్స్, గేర్ బూట్)

"హ్యుందాయ్​.. భారతదేశంలోని యువ కస్టమర్ల కోసం GRAND i10 NIOSను రూపొందించింది. ప్రారంభించినప్పటి నుంచి అమ్మకాలు జోరుగా కొనసాగుతున్నాయి. అందుకే ఇప్పుడు GRAND i10 NIOSలో హైటెక్ ఫోకస్డ్ కార్పొరేట్ ఎడిషన్‌ను పరిచయం చేస్తున్నాము" అని హ్యుందాయ్ మోటార్ ఇండియా డైరెక్టర్ తరుణ్ గార్గ్ పేర్కొన్నారు.

ఇవీ చదవండి:భారత్​పై దృష్టి సారించిన యాపిల్​!