How To Update Aadhaar Card Online : ఆధార్ కార్డ్ తీసుకొని 10 ఏళ్లు, అంతకంటే ఎక్కువ సమయం గడిచిందా? అయినా ఇంకా ఆధార్ వివరాలను అప్డేట్ చేయలేదా? అలాంటివారి కోసమే ఇంకో అవకాశం ఇచ్చింది భారత విశిష్ట ప్రాధికార సంస్థ (UIDAI). ఇంతకు ముందు ఆధార్ అప్డేట్ కోసం రూ.50 రుసుము చెల్లించాల్సి వచ్చేది. అయితే ఇప్పుడు ఎవరైతే తమ ఆధార్ వివరాలను అప్డేట్ చేసుకోలేదో.. వారు డిసెంబర్ 14లోపు ఆన్లైన్లో ఫ్రీగా సదరు వివరాలను మార్చుకోవచ్చు. అందుకే ఆన్లైన్లో ఉచితంగా ఆధార్ కార్డ్ను ఎలా అప్డేట్ చేసుకోవాలో ఇప్పుడు తెలుసుకుందాం.
ఏమేమి మార్చుకోవచ్చు..?
Aadhaar update Details :ఫొటో, వేలిముద్రలు, ఐరిస్, పుట్టిన తేదీ, ఇంటి చిరునామా, మొబైల్ నంబర్, ఇంటి పేరు, లింగం సహా ఇతర వివరాలను బయోమెట్రిక్ ద్వారా అప్డేట్ చేసుకోవచ్చు. అయితే ఫొటోగ్రాఫ్, ఐరిస్ లాంటి బయోమెట్రిక్స్ అప్డేట్ చేసుకోవడానికి దగ్గరల్లో ఆధార్ నమోదు కేంద్రాన్ని సందర్శించి, అందుకు తగ్గ ఫీజు కూడా చెల్లించాల్సి ఉంటుంది. ఎందుకంటే.. ఫింగర్ ప్రింట్స్, ఐరిస్ లాంటి బయోమెట్రిక్స్ సేకరించేందుకు కొన్ని ప్రత్యేకమైన పరికరాలు ఉపయోగించాల్సి ఉంటుంది. అంతేకాదు బయోమెట్రిక్స్ నమోదులో ఎలాంటి మోసాలు జరగకుండా వెరిఫికేషన్ ప్రాసెస్ కూడా నిర్వహించడం జరుగుతుంది. వీటికి కొంత ఖర్చు అవుతుంది. అందుకే అందుకు తగిన రుసుమును ఆధార్ కేంద్రాల్లో చెల్లించాల్సి ఉంటుంది.
ఆధార్ అప్డేట్ ఎందుకు అవసరం?
Why Aadhaar Update Is Mandatory :UIDAI నిబంధనల ప్రకారం ప్రతి ఒక్కరు 10 సంవత్సరాలకు ఒకసారి తమ ఆధార్ కార్డు వివరాలను అప్డేట్ చేయడం తప్పనిసరి. దీని వల్ల వ్యక్తుల డేటా అక్యురేట్గా, అప్-టు-డేట్గా ఉంటుంది.
సాధారణంగా భారతదేశంలో అమ్మాయిలకు పెళ్లి అయిన తరువాత వారి చిరునామా, ఇంటి పేర్లు మారుతూ ఉంటాయి. కొందరు ఒక ప్రాంతం నుంచి మరోప్రాంతానికి తరలివెళ్తుంటారు. ఇలాంటి వారందరూ తమ ఆధార్ వివరాలను మార్చుకోవాల్సి ఉంటుంది. కొన్ని సార్లు మన ఫోన్ నంబర్, ఈ-మెయిల్స్ కూడా మారుస్తూ ఉంటాం. కనుక ఆ వివరాలను సైతం ఆధార్లో అప్డేట్ చేయాల్సి ఉంటుంది.
ఆన్లైన్లో ఆధార్ కార్డ్ అప్డేట్ ఇలా..
How To Update Aadhaar Card Online :
- ముందుగా మీరు UIDAI వెబ్సైట్ uidai.gov.inలోకి లాగిన్ అవ్వండి.
- రిజిస్ట్రేషన్ కోసం లాగిన్ ఐడీ, పాస్వర్డ్ను క్రియేట్ చేసుకోండి.
- తరువాత 'My Aadhaar' ట్యాబ్పై క్లిక్ చేసి 'Update Your Aadhaar' ఆప్షన్ను సెలెక్ట్ చేసుకోండి.
- ఇప్పుడు మీ ఆధార్ సంఖ్యను ఎంటర్ చేయండి. దీంతో పాటు వెరిఫికేషన్ కోసం బాక్స్లో చూపించే Captcha కోడ్ను టైప్ చేయండి. అంతరం 'Send OTP'పై క్లిక్ చేయండి.
- మీ రిజిస్టర్డ్ మొబైల్ నంబర్కు వచ్చిన ఓటీపీ సంఖ్యను ఎంటర్ చేసి 'Login' అవ్వండి.
- ఇప్పుడు మీరు మార్చుకోవాలనుకుంటున్న వివరాలను.. ఎలాంటి తప్పులు లేకుండా జాగ్రత్తగా నమోదు చేసి Submit బటన్ను నొక్కండి.
- మీరు అప్డేట్ చేయాలనుకుంటున్న వివరాలకు సంబంధించిన డాక్యుమెంట్స్ను స్కాన్ చేసి అప్లోడ్ చేయండి.
- ప్రక్రియను పూర్తి చేసేందుకు 'Submit Update Request'పై క్లిక్ చేయండి.
- అనంతరం మీ మొబైల్కు 'Update Request Number' (URN) వివరాలు మెసేజ్ రూపంలో వస్తాయి. ఆ URNను జాగ్రత్తగా నోట్ చేసుకోండి. మీ అప్డేట్ స్టేటస్ను ట్రాక్ చేసేందుకు ఈ సంఖ్య ఉపయోగపడుతుంది.
- మీ అప్డేట్ రిక్వెస్ట్కి సంబంధించిన స్టేటస్ను కూడా ఎప్పటికప్పుడు తెలుసుకోవచ్చు. ఇందుకోసం myaadhaar.uidai.gov.in/సైట్ను వీక్షించవచ్చు.
- ఇందులోకి లాగిన్ అయిన తర్వాత 'Check Enrolment & Update Status' సెక్షన్లో మీ మొబైల్ నంబర్కు వచ్చిన URN నంబర్ను ఎంటర్ చేయండి.
- ఇక్కడ మీ అభ్యర్థనకు సంబంధించిన స్టేటస్ వివరాలను తెలుసుకోవచ్చు.
ఆధార్తో ఇంటర్నేషనల్ మొబైల్ నంబర్ లింక్ చేయవచ్చా?
11.5 కోట్ల పాన్ కార్డ్స్ కట్ - అందులో మీది ఉందా? చెక్ చేసుకోండిలా!
