కారు బ్రేకులు త్వరగా దెబ్బతింటాయి - ఇలా చేయండి

How to Increase Car Brake System Life : కారులో బ్రేక్ ఎంత ఇంపార్టెంట్ పార్ట్ అన్నది అందరికీ తెలిసిందే. అయితే.. దాన్ని సరిగా మెయింటెయిన్ చేయకపోవడం వల్ల వెంట వెంటనే బ్రేక్స్ ఛేంజ్ చేయాల్సి వస్తుంది. మరి.. బ్రేక్ సిస్టమ్ లైఫ్ ఎలా పెంచాలో మీకు తెలుసా?

How to Increase Car Brake System Life : వాహనాలకు బ్రేక్ ఎంత ముఖ్యమో ప్రత్యేకంగా చెప్పాల్సిన పనిలేదు. తేడా వస్తే యాక్సిడెంట్లు అయిపోతాయి! ఇంత ముఖ్యమైన బ్రేకులు.. కొన్ని కార్లలో త్వరగా దెబ్బతినిపోతుంటాయి. దీనికి కారణం.. సరిగా మెయింటెయిన్ చేయకపోవడమే అంటున్నారు నిపుణులు! ఈ క్రమంలో పలు సూచనలు కూడా చేస్తున్నారు. అవేంటో ఇప్పుడు చూద్దాం.

ముందుగానే స్లో చేయాలి..

అకస్మాత్తుగా బ్రేక్ వేయాల్సిన పరిస్థితి ఎప్పుడో ఒకసారి వస్తుంది. మిగిలిన అన్ని సందర్భాల్లోనూ కారు ఎక్కడ ఆపాలో మనకు ముందే తెలిసి ఉంటుంది. కాబట్టి.. బ్రేకులు వేయాల్సిన సమయానికి ముందే కారు వేగాన్ని తగ్గించాలి. కొంత మంది బ్రేక్ పాయింట్ దగ్గరికి చాలా వేగంగా వెళ్లి ఒక్కసారి బ్రేక్ వేస్తుంటారు. దీనివల్ల బ్రేక్ ప్యాడ్‌లు చాలా వేడిని రిసీవ్ చేసుకోవాల్సి వస్తుంది. ఇలా తరచూ జరగడం వల్ల బ్రేకులు మార్చాల్సి వస్తుంది. అంతేకాదు.. కారు వేగంలో ఉండగా అకస్మాత్తుగా బ్రేకులు వేయడం వల్ల యాక్సిడెంట్లు జరగడానికి అవకాశాలు ఎక్కువగా ఉంటాయి. కాబట్టి నార్మల్ వేగంలో వెళ్లడం అన్ని విదాలా మంచిది.

బ్రేక్ ఫ్లూయిడ్‌ ఛేంజ్..

ఎప్పటికప్పుడు బ్రేక్ ప్లూయిడ్ ఛేంజ్ చేస్తూ ఉండాలి. బ్రేక్​లు నీటిని పీల్చుకుంటాయి కాబట్టి.. లోపల తేమ కారణంగా తుప్పు ఏర్పడటానికి ఛాన్స్ ఉంది. దీనివల్ల మెల్లగా బ్రేకుల సామర్థ్యం దెబ్బతినే అవకాశం ఉంది. కాబట్టి.. ఎప్పటికప్పుడు బ్రేక్ ఫ్లూయిడ్‌ ఛేంజ్ చేస్తూ ఉండాలి. అప్పుడే.. బ్రేక్స్ చక్కగా పనిచేస్తాయి. అంతేకాదు.. వాటి లైఫ్ టైమ్​ కూడా పెరుగుతుంది. డ్రైవింగ్ చేసేవాళ్లు ఈ విషయం తప్పక గుర్తుంచుకోవాలి.

రైట్ లెగ్​తోనే బ్రేక్..

కారు బ్రేకులు కుడికాలుతోనే వేయాలి. చాలా మంది ఆటోమేటిక్ గేర్‌బాక్స్‌తో ఎడమ కాలును యూజ్ చేస్తుంటారు. కానీ.. ఇది సరైన పద్ధతి కాదని అంటున్నారు నిపుణులు. బ్రేకులు దీర్ఘకాలం ఉండాలంటే ఈ అలవాటు మానేయాలని సూచిస్తున్నారు. కేవలం రైట్ లెగ్​తోనే బ్రేక్ వేయాలని.. డ్రైవర్ ఈ విషయం గుర్తుంచుకోవాలని సూచిస్తున్నారు.

ఓవర్‌లోడ్..

కారులో పరిమితికి మించి లోడ్ వేయడం కూడా బ్రేకులపై ఎఫెక్ట్ పడుతుందని నిపుణులు అంటున్నారు. కారులో వెయిట్ పెరగడం వల్ల బ్రేకులతోపాటు టైర్ల మీద కూడా ప్రభావం పడుతుందని చెబుతున్నారు. అందువల్ల.. అనవసరమైన వెయిట్ తగ్గించాలని సూచిస్తున్నారు. అవసరమైన వస్తువులను మాత్రమే తీసుకెళ్లేలా చూడాలని అంటున్నారు.

నాణ్యమైనవే తీసుకోండి..

కారుకు బ్రేకులు ఫిట్ చేస్తున్నప్పుడు క్వాలిటీ ఉన్నవే తీసుకోవాలని సూచిస్తున్నారు. తక్కువ ధరకు లభిస్తున్నాయనో.. మరో కారణంతోనే నాణ్యత లేనివి తీసుకోవడం మంచిది కాదని చెబుతున్నారు. ఇవి త్వరగా పాడైపోవడంతోపాటు ప్రమాదాలు జరగడానికి అవకాశం ఉంటుందని హెచ్చరిస్తున్నారు.

ఇంకా ఇవి చేయాలి...

• బ్రేకుల మీద ఎఫెక్ట్ పడకుండా ఉండాలంటే.. టైర్లు కూడా మంచి కండీషన్​లో ఉండేలా చూసుకోవాలి.
• ఇన్​ టైమ్​లో సర్వీసింగ్ చేయించడం ద్వారా.. అనవసరమైన ప్రాబ్లమ్స్ రాకుండా చూసుకోవచ్చు.
• క్లచ్ చాలా ముఖ్యమైన పార్ట్. అయితే.. చాలా మంది డ్రైవర్లు పాదాలను క్లచ్ పెడల్‌పై ఉంచుతుంటారు. దీనివల్ల లైఫ్​ దెబ్బతినిపోతుంది.
• ఇవన్నీ పక్కాగా పాటించినప్పుడు బ్రేకుల జీవిత కాలా చాలా వరకు పెంచుకోవచ్చని నిపుణులు సూచిస్తున్నారు.