Pradhan Mantri Vaya Vandana Yojana: వృద్ధాప్యంలో ఆదాయం కోసం.. కేంద్రం పాలసీ.. మీకు తెలుసా?

How To Apply for PMVVY Scheme : మీ ఇంట్లో 60 ఏళ్ల వయసు దాటిన వృద్ధులు ఉన్నారా? అయితే మీకో శుభవార్త.. వృద్ధాప్యంలో వారికి ఆర్థిక భద్రత కల్పించడానికి కేంద్ర ప్రభుత్వం సరికొత్త పింఛను పథకాన్ని ప్రారంభించింది. మరి, ఆ పాలసీ వివరాలేంటో తెలుసుకోండి.

What Are The Benefits Of PMVVY : వృద్ధులకు సామాజికంగా, ఆర్థికంగా భద్రత కల్పించాలన్న లక్ష్యంతో కేంద్ర ప్రభుత్వం 'ప్రధాన మంత్రి వయ వందన యోజన (PMVVY)' అనే పేరుతో పింఛను పథకాన్ని అమల్లోకి తీసుకువచ్చింది. 60 ఏళ్లు దాటి, ఆర్థికంగా ఇబ్బంది పడేవారికోసం.. నిర్దిష్ట ప్రమాణాలతో ఈ పథకాన్ని అందుబాటులోకి తీసుకువచ్చింది. ‘లైఫ్‌ ఇన్సూరెన్స్‌ కార్పొరేషన్‌ ఆఫ్‌ ఇండియా’ ద్వారా దీన్ని మార్కెట్‌లోకి ప్రవేశపెట్టింది. మరి, ఈ పథకానికి అర్హతలు ఏంటి? ఎలా దరఖాస్తు చేయాలి..? ఏయే పత్రాలు సమర్పించాలి..? ఈ పథకం వల్ల కలిగే ప్రయోజనాలు ఏంటి..? అనే వివరాలను తెలుసుకుందాం.

పీఎంవీవీవైలో చేరడానికి ఉండాల్సిన అర్హతలు..
Eligibility for Joining PMVVY..

• కనిష్ట వయస్సు 60ఏళ్లు దాటి ఉండాలి.
• గరిష్ట వయస్సుపై పరిమితి లేదు.
• పాలసీ కాలవ్యవధి 10 సంవత్సరాలు.
• ఒక్కో సీనియర్ సిటిజన్‌ రూ.15 లక్షల వరకు పెట్టుబడి పెట్టొచ్చు.
• కనీస పెన్షన్ నెలకు రూ.1,000..
• (మూడు నెలలకు రూ.3,000, ఆరు నెలలకి రూ.6,000, సంవత్సరానికి రూ. 12,000)
• గరిష్ట పెన్షన్ నెలకు రూ.12,000..
• (మూడు నెలలకి రూ.30,000, ఆరు నెలలకి రూ.60,000, సంవత్సరానికి రూ.1,20,000)

పీఎంవీవీవైకి సమర్పించాల్సిన పత్రాలు
Which Documents To Submit To PMVVY :

• ఆధార్ కార్డు
• పాన్ కార్డు
• డ్రైవింగ్ లైసెన్స్
• బ్యాంక్ పాస్ బుక్
• ఇంటి చిరునామా పత్రం
• ఇటీవలి పాస్‌పోర్ట్ సైజు ఫోటోలు

ప్రధాన మంత్రి వయ వందన యోజన ప్రయోజనాలు
What Are The Benefits Of PMVVY?:

• ఈ పాలసీ కాల వ్యవధి 10 ఏళ్లు.
• ఈ పథకం ద్వారా పెన్షన్‌ను నెలవారీగా, 3 నెలలు, 6 నెలలకి అందుకోవచ్చు.
• పెన్షనర్ పాలసీ వ్యవధిలోపు మరణిస్తే పాలసీ కొనుగోలు ధరను పూర్తిగా నామినీకి చెల్లిస్తారు.
• ఈ పెన్షన్ స్కీమ్‌ని ఎంచుకున్న వ్యక్తులు.. పాలసీ వ్యవధి ముగిసేలోపు మొత్తాన్ని సంపాదించడానికి అర్హులవుతారు.
• పాలసీని కొనుగోలు చేసిన తర్వాత వ్యక్తులు సంతృప్తి చెందకపోతే, కొనుగోలు తేదీ నుండి 30 రోజులలోపు నిష్క్రమించవచ్చు.
• మూడేళ్లు ముగిసిన తర్వాత పాలసీపై పింఛనుదారుడు రుణం తీసుకునేందుకు అర్హత లభిస్తుంది.
• పాలసీ కొనుగోలు మొత్తంలో 75 శాతం వరకు రుణం పొందొచ్చు. వడ్డీని పింఛను మొత్తం నుంచి వసూలు చేసుకొంటారు.
• పాలసీ కొనుగోలు చేసిన తర్వాతి నెల నుంచే పింఛను అందడం మొదలవుతుంది.