ప్రముఖ ఓటీటీ సంస్థ డిస్నీ+ హాట్‌స్టార్‌ సేవలకు అంతరాయం కలిగింది. భారత్లోని పలు పట్టణాల్లో డిస్నీ+ హాట్‌స్టార్‌ సర్వర్ డౌన్ అయింది. దీంతో వినియోగదారులు ఇబ్బందులు ఎదుర్కొన్నారు. శుక్రవారం జరిగిన ఈ అంతరాయంపై.. సోషల్మీడియా వేదికగా వినియోగదారులు ఫిర్యాదు చేస్తున్నారు. లాగిన్ చేసే సమయంలో వస్తున్న ఎర్రర్ మెసేజ్ను.. స్క్రీన్‌షాట్‌లు తీసి ట్విటర్లో షేర్ చేస్తున్నారు. దాదాపు 45 నిమిషాల పాటు ఈ అంతరాయం కలిగినట్లు చెబుతున్నారు.
హాట్‌స్టార్‌ సర్వర్ డౌన్.. నెటిజన్ల ఫైర్.. స్క్రీన్‌షాట్స్తో ట్రోల్స్
భారత్లో డిస్నీ+ హాట్‌స్టార్‌.. సర్వర్ డౌన్ అయింది. దీంతో దేశవ్యాప్తంగా వీటి సేవలకు అంతరాయం కలిగింది. దీనిపై వినియోగదారులు సోషల్ మీడియా వేదికగా ఫిర్యాదులు చేస్తున్నారు. ఎర్రర్ మెసేజ్లను స్క్రీన్‌షాట్‌లు తీసి షేర్ చేస్తున్నారు.
భారత్లో డిస్నీ హాట్‌స్టార్‌ సర్వర్ డౌన్
దీనిపై ఇప్పటివరకు 500 మంది భారత వినియోగదారులు ఫిర్యాదు చేశారని డౌన్‌డిటెక్టర్‌.కామ్‌ వెబ్‌సైట్‌ వెల్లడించింది. దిల్లీ, జైపుర్, లఖ్నవూ, కోల్కతా, నాగ్పుర్, హైదరాబాద్, ముంబయి సహా మరికొన్ని చోట్ల డిస్నీ+ హాట్‌స్టార్‌ సేవలకు అంతరాయం కలిగినట్లు తెలిసింది. తమ సేవల్లో అంతరాయంపై డిస్నీ+ హాట్‌స్టార్‌ స్పందించింది. సాంకేతిక లోపం కారణంగానే ఈ సమస్య తలెత్తినట్లు తెలిపింది. తమ యాప్, వెబ్సైట్లలో ఈ సమస్య తలెత్తినట్లు పేర్కొంది. సేవలను పూర్తి స్థాయిలో పునరుద్ధరించేందుకు తమ సిబ్బంది కృషి చేస్తున్నట్లు వెల్లడించింది. వీలైనంత త్వరలో సమస్యను పరిష్కరిస్తామని తెలిపింది.
Last Updated : Feb 17, 2023, 3:51 PM IST