Honda New Bike Launch : ప్రముఖ వాహన తయారీ సంస్థ హోండా.. 'సీడీ100 డ్రీమ్ డీలక్స్' పేరుతో మరో సరికొత్త ద్విచక్ర వాహనాన్ని భారత మార్కెట్లో లాంఛ్ చేసింది. మంచి స్టన్నింగ్ లుక్స్తో, అదిరే ఫీచర్లతో, అందుబాటు ధరలో దీనిని తీసుకొచ్చింది. ఎంట్రీ లెవల్ మోటార్ సైకిల్ సెగ్మెంట్లో తీసుకొచ్చిన ఈ హోండా బైక్పై 10 సంవత్సరాల వారంటీ కూడా అందిస్తున్నారు. ఇందులో 3 సంవత్సరాల స్టాండర్డ్ వారంటీ + 7 సంవత్సరాల ఆప్షనల్ ఎక్స్టెండెడ్ వారంటీ కూడా అందిస్తున్నారు.
హోండా సీడీ110 డ్రీమ్ డీలక్స్ ఫీచర్స్
Honda CD110 Dream Deluxe Features :హోండా సీడీ100 డ్రీమ్ డీలక్స్ బైక్లో 4-స్ట్రోక్, సింగిల్ సిలిండర్ ఇంజిన్ ఉంది. దీనిని హోండా eSP సాంకేతికతో, BS6 స్టేజ్ 2 నిబంధనలకు అనుగుణంగా రూపొందించారు. ఈ 109.51 సీసీ ఎయిర్-కూల్డ్ ఇంజిన్ 7,500 ఆర్పీఎం వద్ద 8.67 బీహెచ్పీ పవర్, 5,500 ఆర్పీఎం వద్ద 9.30 ఎన్ఎం టార్క్ను ఉత్పత్తి చేస్తుంది. ఈ మోటార్ సైకిల్.. ఆటో-చోక్ పంక్షనాలిటీతో వస్తుంది. అలాగే దీనిలో ఇంజిన్ స్టార్ట్/ స్టాప్ స్విచ్ కూడా ఉంది. దీనిలో కాంబి-బ్రేక్ సిస్టమ్, హాలోజన్ లైటింగ్ ఉన్నాయి. ఈ బైక్లో పొడవైన సింగిల్-పీస్ సీటు ఉంది. దీని ఎత్తు 720మి.మీ ఉంటుంది.