GST Collection July 2022: జీఎస్టీ వసూళ్లు రికార్డు స్థాయిలో నమోదయ్యాయి. 2022 జులై నెలలో రూ.1.48 లక్షల కోట్ల వస్తు, సేవల పన్ను వసూలైందని కేంద్ర ఆర్థిక శాఖ ప్రకటించింది. ఇది జీవితకాల రెండో గరిష్ఠమని తెలిపింది. గత ఏడాది జులైలో వసూలైన జీఎస్టీ ట్యాక్స్ కన్నా 28% శాతం అధికంగా ఈ సారి రాబడి వచ్చిందని స్పష్టం చేసింది.
జులైలో వసూలైన రూ.1,48,995 కోట్లలో.. సీజీఎస్టీ రూపంలో రూ.25,751 కోట్లు, ఎస్జీఎస్టీ రూపంలో రూ.32,807 కోట్లు వసూలయ్యాయి. సమీకృత జీఎస్టీ కింద రూ.79,518 కోట్లు వచ్చాయి. సెస్ రూపంలో రూ.10,920 కోట్లు వచ్చినట్లు కేంద్ర ఆర్థిక శాఖ వివరించింది. ట్యాక్స్ చెల్లింపుదారులు సకాలంలో రిటర్నులు సమర్పించేలా అధికార యంత్రాంగం చేపట్టిన చర్యలు ఫలించాయని ఈ సందర్భంగా ఆర్థిక శాఖ పేర్కొంది. జీఎస్టీ చెల్లింపులు సులభంగా జరిగేలా చర్యలు తీసుకున్నట్లు తెలిపింది.